ପୁରୀ: ଦୁର୍ବଳ ହେଉଛି ମହାପ୍ରଭୁଙ୍କ ଗରୁଡ଼ ସ୍ତମ୍ଭ । ଶ୍ରଦ୍ଧାଳୁ ମାନେ ଛୁଇଁବା ଦ୍ୱାରା ଗରୁଡ଼ ସ୍ତମ୍ଭ ଦୁର୍ବଳ ହେଉଥିବା ସୂଚନା ଦିଆଯାଇଛି । ଶ୍ରୀମନ୍ଦିରକୁ ଆସୁଥିବା ଭକ୍ତଙ୍କ କୋଳାଗ୍ରତ ଯୋଗୁଁ ମୋଟେଇ ପତଳା ହେଉଥିବା କୁହାଯାଇଛି । ଏପରି ହେବା ଦ୍ୱାରା ସ୍ତମ୍ଭର ସ୍ଥାୟିତ୍ୱ ପ୍ରତି ବିପଦ ଦେଖାଯାଉଥିବା ଉନ୍ନୟନ ପ୍ରଶାସକ ସୂଚନା ଦେଇଛନ୍ତି । ତାହାସହ ପୂର୍ବତନ ଏଏସଆଇ ନିର୍ଦେଶକ ମଧ୍ୟ ଏନେଇ ପ୍ରତିକ୍ରିୟା ରଖିଛନ୍ତି ।
ତାଙ୍କ ମତରେ ଗରୁଡ଼ ସ୍ତମ୍ଭ ଚନ୍ଦନ କାଠ ଜୀବାଶ୍ମରେ ନିର୍ମିତ ହୋଇଛି । ତେଣୁ ଭକ୍ତଙ୍କୁ ପ୍ରତ୍ୟେକ୍ଷ ସ୍ପର୍ଶରୁ ନିବୃତ୍ତ ରଖିବାର ଆବଶ୍ୟକତା ରହିଛି ବୋଲି ସେ କହିଛନ୍ତି । ସ୍ତମ୍ଭର ଚାରିପାର୍ଶ୍ବରେ ଏକ ବୃତ୍ତାକାର ଫ୍ରେମ୍ କରି ରୁପା ଆଚ୍ଛାଦିତ ପାଇଁ ପ୍ରସ୍ତାବ ଦିଆଯାଇଛି । ହେଲେ ଏନେଇ ହୋଇଥିବା ବୈଠକରେ କୌଣସି ନିଷ୍ପତ୍ତି ନିଆଯାଇନଥିବା ସୂଚନା ମିଳିଛି । ସବୁଠାରୁ ବଡ଼ କଥା ହେଉଛି, ଗରୁଡ଼ ସ୍ତମ୍ଭକୁ ଛୁଇଁବା ବାରଣ ଭକ୍ତଙ୍କ ଭାବାବେଗ ଉପରେ ପ୍ରଭାବ ପକାଇବ ବୋଲି ମଧ୍ୟ ଆଶଙ୍କା କରାଯାଉଛି ।
