ସୁଆଣ୍ଡୋ: ପୁରୀ ଜିଲ୍ଲା ସତ୍ୟବାଦୀ ବ୍ଲକ ଆଳିଶ ଗାଁରେ ଭୟାବହ ଅଗ୍ନିକାଣ୍ଡ। ସୋମବାର ରାତିରେ ଅଗ୍ନିକାଣ୍ଡ ଘଟି ୧୦ ବଖରା ଚାଳ ଘର ପୋଡି ପାଉଁଶ ଯାଇଛି । ୩ଟି ମଟରସାଇକେଲ, ୫ ସାଇକେଲ ଓ ଧାନ ଚାଉଳ ଲୁଗାପଟା ବାସନକୁସନ ପୋଡି ଯାଇଥିବା ଜଣାପଡିଛି । ଖବରପାଇ ସତ୍ୟବାଦୀ ଅଗ୍ନିଶମ ବାହିନୀ ଆଗ୍ନିକ ମନୋଜ କୁମାର ପାତ୍ର ୭ ଜଣ ସହକର୍ମୀଙ୍କ ସହିତ ଘଟଣା ସ୍ଥଳରେ ପହଞ୍ଚି ନିଆଁ କୁ ଆୟତ କରିଥିଲେ । ସ୍ଥାନୀୟ ସରପଞ୍ଚ ସୁରଥ ସେଠି ଓ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ କୁଞ୍ଜ ସାହୁ ଘଟଣାସ୍ଥଳରେ ଉପସ୍ଥିତ ରହିଛନ୍ତି । ବିପନ୍ନ ମାନଙ୍କୁ ପଞ୍ଚାୟତ ତରଫରୁ ସକାଳେ ଶୁଖିଲା ଖାଦ୍ୟ ଦିଆଯାଇଛି । ତହସିଲଦାର ପ୍ରମୁଖ ଘଟଣା ସ୍ଥଳରେ ପହଞ୍ଚିଲେ କ୍ଷୟକ୍ଷତି ଆକଳନ କରାଯିବ ବୋଲି ସରପଞ୍ଚ ଶ୍ରୀ ସେଠି କହିଛନ୍ତି । ବର୍ତ୍ତମାନ ପର୍ଯ୍ୟନ୍ତ ଅଗ୍ନିକାଣ୍ଡର କାରଣ ଜଣାପଡିନାହିଁ।
Comments are closed.