ବାରାଣସୀ : ଅନ୍ଲାଇନ୍ ବିଜ୍ଞାପନ ସଂସ୍ଥା ‘ଓଏଲଏକ୍ସ’ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିର୍ବାଚନ ମଣ୍ଡଳୀ ବାରାଣସୀର ଜବାହର ନଗରସ୍ଥିତ ଜନସମ୍ପର୍କ କାର୍ଯ୍ୟାଳୟକୁ ୭କୋଟି ୫୦ଲକ୍ଷ ଟଙ୍କାରେ ବିକ୍ରି ସମ୍ପର୍କିତ ବିଜ୍ଞାପନ ଦେଇ ୪ ଗିରଫ ହୋଇଛନ୍ତି। ବାରାଣସୀ ଏସ୍ପି ଅମିତ ପାଠକଙ୍କ ସୂଚନାନୁଯାୟୀ, ଗୁରୁବାର ଓଏଲଏକ୍ସ ୱେବ୍ସାଇଟ୍ରେ ଏହି ବିଜ୍ଞାପନ ପ୍ରସାରିତ ହୋଇଥିଲା। ତୁରନ୍ତ କାର୍ଯ୍ୟାଳୟ ଥିବା ଭେଲୁପୁର ଥାନାେର ଏତଲା ଦାୟର କରାଯାଇଥିଲା। ଏହାର ୨୪ଘଣ୍ଟା ମଧ୍ୟରେ ବିକ୍ରୟ ବିଜ୍ଞାପନ ଦେଇଥିବା ଲକ୍ଷ୍ମୀକାନ୍ତ ଓଝାଙ୍କ ସହ ଏଥିରେ ସମ୍ପୃକ୍ତ ୪ଜଣଙ୍କୁ ଗିରଫ କରାଯାଇଛି। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ୬୫୦୦ବର୍ଗଫୁଟ ଅଞ୍ଚଳରେ ଅବସ୍ଥିତ। ଏଥିରେ ୪ କୋଠରି ସହିତ ୪ ଗାଧୁଆଘର ରହିଛି। ୱେବ୍ସାଇଟ୍ର ଦୁରୁପଯୋଗ ଏବଂ ଅନ୍ଲାଇନ୍ ଠକେଇର ଏହା ଏକ ଦୃଷ୍ଟାନ୍ତ ବୋଲି ପୁଲିସ କହିଛି।
Popular Categories
Previous article
Next article