ବାଙ୍କୀ : ବାଙ୍କୀ ବ୍ଲକ ଅଧିନ ବରପୁଟ ମଧ୍ୟ ଇଂରାଜୀ ବିଦ୍ୟାଳୟ ପ୍ରାଙ୍ଗଣରେ ପଞ୍ଚାୟତର ଆଦର୍ଶ ଶିକ୍ଷାଗୁରୁ ସ୍ୱର୍ଗତଃ ବାଞ୍ଛାନିଧି ପ୍ରତିହାରୀଙ୍କ ପ୍ରତିମୂର୍ତ୍ତୀ ଅନାବରଣ ଉତ୍ସବ ଶୁକ୍ରବାର ଅପରାହ୍ନରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ସମାଜସେବୀ ଶରତ ଚନ୍ଦ୍ର ତ୍ରିପାଠୀଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବରେ ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ଯୋଗଦେଇ ପ୍ରତିମୂର୍ତ୍ତୀକୁ ଅନାବରଣ କରିବା ସହିତ ସ୍ୱର୍ଗତଃ ପ୍ରତିହାରୀଙ୍କ ଜୀବନ ଦର୍ଶନ ଓ ଆଦର୍ଶ ଶିକ୍ଷକତା ସମ୍ପର୍କରେ ଆଲୋକପାତ କରିଥିଲେ। ମୁଖ୍ୟ ବକ୍ତା ଭାବରେ ଡାକ୍ତର କେଦାରନାଥ ପଣ୍ଡା, ସ୍ୱତନ୍ତ୍ର ଅତିଥି ବିଦ୍ୟାଧର ପୃଷ୍ଟି, ବାଙ୍କୀ ବ୍ଲକ ଅଧ୍ୟକ୍ଷା ପୁଷ୍ପଲତା ସାମନ୍ତ, ସ୍ଥାନୀୟ ସରପଞ୍ଚ ଅଶୋକ ମିଶ୍ର, ଡାକ୍ତର ପଦ୍ମଲୋଚନ ପଣ୍ଡା, ସମାଜସେବୀ ତଥା ସାଂସଦଙ୍କ ପ୍ରତିନିଧି ବିଜୟ ପ୍ରତିହାରୀ ପ୍ରମୁଖ ଉପସ୍ଥିତ ଥିଲେ। ସମାଜସେବୀ ଓକିଲ ଜୟପ୍ରକାଶ ମିଶ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲା ବେଳେ ଆଦର୍ଶ ଶିକ୍ଷକ ଯୋଗେନ୍ଦ୍ର ମହାନ୍ତି ଧନ୍ୟବାଦ ଦେଇଥିଲେ । ଏହି ଉତ୍ସବରେ ମୁଖ୍ୟ ଅତିଥିଙ୍କ ଦ୍ୱାରା ପଞ୍ଚାୟତର ଅବସର ଗ୍ରହଣ କରିଥିବା ଶିକ୍ଷକ ବ୍ରଜବନ୍ଧୁ ଦାସ, ବନ୍ଧୁ ମୋହନ ସାହୁ, ଅନନ୍ତ ଚରଣ ଦାସ, ବିଦ୍ୟାଧର ବିଶ୍ୱାଳ, ଦୀନବନ୍ଧୁ ତ୍ରିପାଠୀ, ଗୋଖେନ୍ଦ୍ର ସାହୁ, ପୂର୍ଣ୍ଣଚନ୍ଦ୍ର ପଣ୍ଡା ପ୍ରମୁଖଙ୍କୁ ମନପତ୍ର ଉପଢୌକନ ଦିଆଯାଇ ସମ୍ବର୍ଦ୍ଧିତ କରାଯାଇଛି।
Comments are closed.