ମୁମ୍ବଇ : ସବୁଠାରୁ ଦାମୀ ଭାରତୀୟ ଅଭିନେତା ପାଲଟିଛନ୍ତି ବାହୁବଳୀ ଷ୍ଟାର ପ୍ରଭାସ। ୩୦ ଅଗଷ୍ଟରେ ମୁକ୍ତିଲାଭ କରିବାକୁ ଥିବା ୨୦୧୯ର ସବୁଠୁ ବଡ଼ ଚଳଚ୍ଚିତ୍ର ‘ସାହୋ’ ପାଇଁ ତାଙ୍କୁ ୧୦୦ କୋଟି ଟଙ୍କା ଫିସ୍ ମିଳିଥିବା ସୂଚନା ମିଳିଛି। ଏହାସହିତ ସବୁଠାରୁ ଅଧିକ ପାଉଣା ନେଉଥିବା ଅଭିନେତା ତାଲିକାରେ ରଜନୀକାନ୍ତ, ସଲାମାନ ଖାନ ଓ ଶାହରୁଖ୍ ଖାନଙ୍କୁ ସେ ପଛରେ ପକାଇ ଦେଇଛନ୍ତି। ଏହା ମଧ୍ୟ ଶୁଣିବାକୁ ମିଳୁଛି ଯେ, ‘ସାହୋ’ର ପ୍ରି-ରିଲିଜ୍ ବ୍ୟବସାୟର ୫୦ ପ୍ରତିଶତ ଭାଗ ମଧ୍ୟ ପ୍ରଭାସ ନେବେ। ମାତ୍ର ଏନେଇ ଆନୁଷ୍ଠାନିକ ଭାବେ କୌଣସି ସୂଚନା ମିଳିନାହିଁ।
ଅନ୍ୟପକ୍ଷରେ ଶ୍ରଦ୍ଧା କପୁରଙ୍କର ଏହା ପ୍ରଥମ ଦକ୍ଷିଣ ଭାରତୀୟ ଚଳଚ୍ଚିତ୍ର। ତାଙ୍କୁ ମଧ୍ୟ ଏହି ଚଳଚ୍ଚିତ୍ର ପାଇଁ ନିର୍ମାତା ମୋଟା ଅଙ୍କର ପାଉଣା ଦେଉଛନ୍ତି। ‘ସାହୋ’ ପାଇଁ ଶ୍ରଦ୍ଧାଙ୍କୁ ୭ କୋଟି ଟଙ୍କା ଫିସ୍ ଦିଆଯାଇଥିବା ଖବର ମିଳିଛି। ଏହାସହିତ ଶ୍ରଦ୍ଧା ମଧ୍ୟ ସବୁଠାରୁ ଅଧିକ ଫିସ୍ ନେଉଥିବା ଭାରତୀୟ ଅଭିନେତ୍ରୀଙ୍କ ତାଲିକାରେ ସ୍ଥାନ ଅଧିକାର କରିଛନ୍ତି।
- Advertisement -
