ନୂଆଦିଲ୍ଲୀ: ଦିଲ୍ଲୀ ହିଂସା ସମୟରେ ଗୁଇନ୍ଦା ବିଭାଗ କନଷ୍ଟେବଳ ଅଙ୍କିତ ଶର୍ମାଙ୍କୁ ଦଙ୍ଗାକାରୀମାନେ ହତ୍ୟା କରିଥିଲେ। ଏହି ହତ୍ୟାକାଣ୍ଡରେ ଆପ୍ ନେତା ତାହିର ହୁସେନଙ୍କ ସମ୍ପୃକ୍ତି ଥିବା ଅଭିଯୋଗ ହୋଇଛି। ତେବେ ଅଙ୍କିତଙ୍କୁ ଦଙ୍ଗାକାରୀମାନେ କିପରି ଅତି ନିର୍ମମ ଭାବେ ହତ୍ୟା କରିଛନ୍ତି ତାହା ତାଙ୍କ ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡ଼ିଛି। ଗୁରୁବାର ବ୍ୟବଚ୍ଛେଦ ରିପୋର୍ଟ ପୁଲିସକୁ ମିଳିଛି। ଅଙ୍କିତଙ୍କ ଶରୀରର ଏମିତି କୌଣସି ସ୍ଥାନ ନାହିଁ ଯେଉଁଛି ଛୁରାଘାତ ନ ହୋଇଛି। ବ୍ୟବଚ୍ଛେଦ ରିପୋର୍ଟରୁ ଏହି ତଥ୍ୟ ସାମ୍ନାକୁ ଆସିଛି। ଏପରି କି ଛୁରାଘାତ କରି ତାଙ୍କ ପେଟର ଅନ୍ତବୁଜୁଳାକୁ ବି ବାହାର କରିଦିଆଯାଇଥିଲା। ଅଙ୍କିତଙ୍କ ଶରୀରରେ ଯେଉଁଭଳି କ୍ଷତ ହୋଇଛି, ସେଭଳି ଦୃଶ୍ୟ ସେମାନେ ଆଗରୁ କେବେ ଦେଖି ନାହାନ୍ତି ବୋଲି ବ୍ୟବଚ୍ଛେଦ କରିଥିବା ଡାକ୍ତରମାନେ କହିଛନ୍ତି। ସୂଚନାଯୋଗ୍ୟ, ଦଙ୍ଗା ସମୟରେ ଅଙ୍କିତ ରାତିରେ ଘରକୁ ଫେରୁଥିବାବେଳେ ଦଙ୍ଗାକାରୀମାନେ ତାଙ୍କୁ ଭିଡି ନେଇ ହତ୍ୟା କରିବା ପରେ ଚାନ୍ଦବାଗସ୍ଥିତ ଏକ ଡ୍ରେନରେ ଫିଙ୍ଗି ଦେଇଥିଲେ। ଅତିକମ୍ରେ ୪ ଜଣ ଏହି ଘଟଣାରେ ସମ୍ପୃକ୍ତି ସନ୍ଦେହ କରାଯାଉଛି।
ଗୁଇନ୍ଦା କନଷ୍ଟେବଳଙ୍କ ଶରୀର ସାରା ଛୁରାଘାତ, ଆସିଲା ବ୍ୟବଚ୍ଛେଦ ରିପୋର୍ଟ
Popular Categories
Previous article
Next article