ଡେସ୍କ: ଦୁଷ୍କର୍ମ ଓ ହତ୍ୟା ମାମଲାର ବିଚାର କରି ପକସୋ କୋର୍ଟ ୨ ଜଣ ଅଭିଯୁକ୍ତଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ୨୦୧୬ ମସିହା ଅଗଷ୍ଟ ମାସରେ କଟକ ଜିଲ୍ଲା ବାଙ୍କି ଅଞ୍ଚଳରେ ଜଣେ ନାବାଳିକାକୁ ଦୁଷ୍କର୍ମ ଓ ହତ୍ୟା ମାମଲାରେ ରାୟ ଶୁଣାଇଛନ୍ତି ପକସୋ କୋର୍ଟ। ସମ୍ପୃକ୍ତ ମାମଲାରେ କୋର୍ଟ ଜଣେ ବସ ଡ୍ରାଇଭର ଓ କଣ୍ଡକ୍ଟରଙ୍କୁ ଦୋଷୀ ସାବ୍ୟସ୍ତ କରି ଆଜୀବନ କାରାଦଣ୍ଡାଦେଶ ଦେଇଛନ୍ତି।
ଦୁଷ୍କର୍ମ ଓ ହତ୍ୟା ମାମଲାରେ ଡ୍ରାଇଭର ଓ କଣ୍ଡକ୍ଟରଙ୍କୁ ଆଜୀବନ କାରାଦଣ୍ଡ pic.twitter.com/a1or9wqSFG
— Samaja Live (@samajalive) September 24, 2024
ସୂଚନା ଅନୁଯାୟୀ, ବସ ଡ୍ରାଇଭର ସନ୍ତୋଷ ସାହୁ ନାବାଳିକାଙ୍କୁ ଏକତରଫା ପ୍ରେମ କରୁଥିଲା। ନାବାଳିକା ଜଣକ ଏଥିରେ ରାଜି ନ ହେବାରୁ କଣ୍ଡକ୍ଟର ବିଭୂତି ରାଉତ ସହ ମିଶି ନାବାଳିକାକୁ ଦୁଷ୍କର୍ମ କରିବା ସହ ବସରେ ଥିବା ରଡ୍ ସାହାଯ୍ୟରେ ନୃଶଂସ ଭାବେ ହତ୍ୟା କରିଥିଲେ। ପରେ ମୃତଦେହକୁ ଉଭୟ କଣ୍ଡକ୍ଟର ଓ ଡ୍ରାଇଭର ମହାନଦୀକୁ ଫୋପାଡ଼ି ଦେଇଥିଲେ। ଏହି ଘଟଣାର ବିଚାର ସମୟରେ ୪୪ ଜଣଙ୍କ ସାକ୍ଷ୍ୟ ପ୍ରମାଣକୁ ଆଧାର କରି କୋର୍ଟ ଏହି ନିର୍ଦ୍ଦେଶ ଦେଇଛନ୍ତି।
