ଡେସ୍କ : ଜାତିସଂଘ ମୁଖ୍ୟାଳୟରେ ଅନ୍ତର୍ଜାତୀୟ ଯୋଗ ଦିବସ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାମିଲ ହୋଇଛନ୍ତି । ନ୍ୟୁୟର୍କସ୍ଥିତ ଜାତିସଂଘ ମୁଖ୍ୟାଳୟରେ ପହଞ୍ଚି ପ୍ରଥମେ ସେ ଜାତିର ଜନକ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧା ସୁମନ ଅର୍ପଣ କରିଥିଲେ । ପରେ ଅନ୍ତର୍ଜାତୀୟ ଯୋଗ ଦିବସ ସମାରୋହରେ ଉଦବୋଧନ ଦେଇ ମୋଦୀ କହିଥିଲେ, ଯୋଗ ଅର୍ଥ ଶାନ୍ତି, ଯୋଗ ଅର୍ଥ ସ୍ୱାସ୍ଥ୍ୟ, ଯୋଗ ପାଇଁ ଆଜି ସବୁ ଦେଶର ପ୍ରତିନିଧି ଏକାଠି ହୋଇଛନ୍ତି । ସାରା ବିଶ୍ବକୁ ଯୋଗ ଭାରତର ଅନନ୍ୟ ଉପହାର, ଏହା ଭରତରୁ ଆସିଛି ଓ ବହୁ ପ୍ରାଚୀନ । ଯୋଗକୁ ଜୀବନର ଅଂଶ କରିବା ପାଇଁ ସେ ସମସ୍ତଙ୍କୁ ଅନୁରୋଧ କରିଥିଲେ। ଶ୍ରୀ ମୋଦୀ କହିଥିଲେ ଯୋଗ ହେଉଛି ଜୀବନ ଧାରଣର ମାଧ୍ୟମ । ଯୋଗ ପାଇଁ ସମର୍ଥନ ଜଣାଇଥିବାରୁ ପ୍ରଧାନମନ୍ତ୍ରୀ ମୋଦୀ ସାରା ବିଶ୍ବକୁ ଧନ୍ୟବାଦ ଜଣାଇଛନ୍ତି । ଉଦବୋଧନ ପରେ ଅନେକ ବିଶ୍ବ ନେତାଙ୍କ ସହ ଶ୍ରୀ ମୋଦୀ ଯୋଗାଭ୍ୟାସ କରିଥିଲେ।
Delighted to take part in the #YogaDay programme at @UN HQ. Let us make Yoga a part of our lives and further wellness. https://t.co/XvsB8AYfGs
— Narendra Modi (@narendramodi) June 21, 2023
