ନୂଆଦିଲ୍ଲୀ : ପାକିସ୍ତାନ ସହିତ ଅସ୍ତ୍ରବିରତିର ୫୧ ଘଣ୍ଟା ପରେ ପ୍ରଧାନମନ୍ତ୍ରୀ ମୋଦୀ ସୋମବାର ରାତି ୮ଟାରେ ଦେଶକୁ ସମ୍ବୋଧିତ କରିଛନ୍ତି । ନିଜ ୨୨ ମିନିଟ ଭାଷଣରେ ମୋଦୀ ପହଲଗାମ ଆକ୍ରମଣ, ଅପରେସନ ସିନ୍ଦୂର, ଅସ୍ତ୍ରବିରତି, ଆତଙ୍କବାଦ, ସିନ୍ଧୁ ଜଳ ଚୁକ୍ତି ଓ ପିଓକେ ସମ୍ପର୍କରେ କହିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି ଯେ ଯେଉଁ ଆତଙ୍କବାଦୀମାନେ ଆମ ମା’-ଭଉଣୀଙ୍କ ସିନ୍ଦୂର ଲିଭାଇଛନତି ଆମେ ତାଙ୍କୁ ସମାପ୍ତ କରିଦେଇଛୁ । ଆମ ଅପରେସନରେ ୧୦୦ରୁ ଅଧିକ ଆତଙ୍କବାଦୀ ନିହତ ହୋଇଛନ୍ତି । ପ୍ରଧାନମନ୍ତ୍ରୀ କହିଛନ୍ତି କି ଆମେରିକାର ଅନୁରୋଧ ପରେ ଭାରତ ସଂଘର୍ଷ ରୋକିବାକୁ ଅନୁମତି ଦେଇଛି । ଭାରତ ପାକିସ୍ତାନ ବିରୁଦ୍ଧରେ ମିଲିଟ୍ରି ଆକ୍ସନକୁ କେବଳ ସ୍ଥଗିତ କରିଛି । ପାକିସ୍ତାନର ବ୍ୟବହାର ଦେଖିବାପରେ ଆଗାମୀ କାର୍ଯ୍ୟାନୁଷ୍ଠାନ ନିଆଯିବ ।
We have just paused our retaliatory action, will see what attitude Pakistan adopts: PM Modi
Read @ANI Story | https://t.co/AnPRNuNbTz#PMModi #TerrorAttack #Pahalgam pic.twitter.com/alyM4qhlNd
— ANI Digital (@ani_digital) May 12, 2025
୨୨ ଏପ୍ରିଲରେ ଆତଙ୍କବାଦୀଙ୍କ ବର୍ବରତା ଦେଶବାସୀଙ୍କୁ ଦୁଃଖ ଦେଇଥିଲା । ବ୍ୟକ୍ତିଗତ ଭାବେ ଏହି ପୀଡା ବହୁତ ଅଧିକ ଥିଲା ବୋଲି ମୋଦୀ କହିଛନ୍ତି । ଆତଙ୍କବାଦୀଙ୍କୁ ମାଟିରେ ମିଶାଇବା ପାଇଁ ଭାରତ ସେନାଙ୍କୁ ସମ୍ପୂର୍ଣ୍ଣ ସ୍ବାଧୀନତା ଦେଇଥିଲା । ଭାରତୀୟ ସେନା ପାକିସ୍ତାନର ଆତଙ୍କୀ ଆଡ୍ଡା ସ୍ଥଳ ଏବଂ ଟ୍ରେନିଂ ସେଣ୍ଟରରେ ପ୍ରହାର କଲା । ଭାରତ ଏତେ ବଡ ନିଷ୍ପତ୍ତି ନେବ ବୋଲି ଆତଙ୍କବାଦୀ କେବେ ବି କଳ୍ପନା କରିନଥିବେ । ଭାରତ ଆତଙ୍କୀଙ୍କ ବିଲ୍ଡିଂ ଭାଙ୍ଗିବା ସହ ତାଙ୍କ ଆତ୍ମବଳ ମଧ୍ୟ ଭାଙ୍ଗିଥିଲା । ଯୁଦ୍ଧ ଭୂମିରେ ଆମେ ପ୍ରତିଥର ପାକିସ୍ତାନକୁ ଧୁଳି ଚଟାଇଛୁ । ଅପରେସନ ସିନ୍ଦୂର ଏଥିରେ ଏକ ନୂଆ ଅଧ୍ୟାୟ ଯୋଡିଛି । ଏହି ଅପରେସନ ସମୟରେ ମେଡ୍ ଇନ୍ ଇଣ୍ଡିଆ ଅସ୍ତ୍ରଶସ୍ତ୍ରର ପ୍ରାମାଣିକତା ମଧ୍ୟ ସିଦ୍ଧ ହୋଇଛି ବୋଲି ମୋଦୀ କହିଛନ୍ତି ।
