ସମାଜ ଡିଜିଟାଲ ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୩ ଦିନିଆ ଆମେରିକା ଗସ୍ତରେ ଯାଇଛନ୍ତି। ଏହି ଅବସରରେ ଆମେରିକା ରାଷ୍ଟ୍ରପତି ଜୋ ବାଇଡେନ ଏବଂ ଦେଶର ପ୍ରଥମ ମହିଳା ତଥା ବାଇଡେନଙ୍କ ପତ୍ନୀ ଜିଲ ବାଇଡେନଙ୍କୁ ଭେଟିଛନ୍ତି ମୋଦୀ। ସାକ୍ଷାତ ସମୟରେ ପ୍ରଧାନମନ୍ତ୍ରୀ ସେମାନଙ୍କୁ ଉପହାର ପ୍ରଦାନ କରିଛନ୍ତି।
ରାଷ୍ଟ୍ରପତି ବାଇଡେନଙ୍କୁ ମୋଦୀ ରୁପାରେ ଖୋଦିତ ଏକ ଟ୍ରେନର ମଡେଲକୁ ଉପହାରସ୍ଵରୂପ ପ୍ରଦାନ କରିଛନ୍ତି। ସେହିପରି ଜିଲ୍ ବାଇଡେନଙ୍କୁ କାଶ୍ମୀରୀ ପାସମିନା ସାଲ ଦେଇଛନ୍ତି। ଉଭୟେ ବାଇଡେନ ଦମ୍ପତି ଉପହାର ଗ୍ରହଣ କରିବା ସହିତ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଜଣାଇଛନ୍ତି।
ପ୍ରଧାନମନ୍ତ୍ରୀଙ୍କ ୩ ଦିନିଆ ଆମେରିକା ଗସ୍ତର ରବିବାର ହେଉଛି ୨ୟ ଦିବସ। ପ୍ରଥମ ଦିନରେ ମୋଦୀ କ୍ଵାଡ୍ ଶିଖର ସମ୍ମିଳନୀରେ ଯୋଗଦେଇଥିଲେ। ଭାରତ, ଆମେରିକା, ଅଷ୍ଟ୍ରେଲିଆ ଏବଂ ଜାପାନଙ୍କୁ ନେଇ ଗଠିତ କ୍ଵାଡ୍ରେ ବହୁ ଗୁରୁତ୍ଵପୂର୍ଣ୍ଣ ପ୍ରସଙ୍ଗରେ ଆଲୋଚନା ହୋଇଥିଲା। ଜାତିସଂଘରେ ଭାରତର ସ୍ଥାୟୀ ସଦସ୍ୟତା ଦାବିକୁ ୩ଟି ଯାକ ରାଷ୍ଟ୍ର ସମର୍ଥନ ଜଣାଇଛନ୍ତି। କ୍ଵାଡ ବୈଠକ ପରେ ମୋଦୀ ଜାତିସଂଘ ଭବିଷ୍ୟସ ସମ୍ମିଳନୀରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି।
Comments are closed.