ଇସଲାମାବାଦ – ପାକିସ୍ତାନରେ ମୋଦୀଙ୍କ ଲୋକପ୍ରିୟତା ବୃଦ୍ଧି ପାଇବାରେ ଲାଗିଛି । ଜି୨୦ ବୈଠକ ପରେ ପାକିସ୍ତାନ ଅଧିକୃତ କାଶ୍ମୀରରେ ବିଭିନ୍ନ ସ୍ଥାନରେ ପାକିସ୍ତାନ ସରକାରଙ୍କ ବିରୋଧରେ ଜୋରଦାର ପ୍ରଦର୍ଶନ କରାଯାଇଛି । ପାକିସ୍ତାନରେ ଏବେ ବିଭିନ୍ନ ଖାଦ୍ୟଦ୍ରବ୍ୟ ଏବଂ ଅତ୍ୟାବଶ୍ୟକୀୟ ଦ୍ରବ୍ୟର ମୂଲ୍ୟ ବୃଦ୍ଧି ପାଇଛି । ପାକିସ୍ତାନ ଅଧିକୃତ କାଶ୍ମୀରେ ବା ପିଓକେ ପାକିସ୍ତାନ ବିରୋଧରେ ଜୋରଦାର ପ୍ରଦର୍ଶନ କରାଯାଇଛି ।
ଏବେ ବିଭିନ୍ନ ସୋସିଆଲ୍ ମିଡିଆରେ ପିଓକରେ ଅଧିବାସୀମାନେ ଭାରତର ପ୍ରଧାନମନ୍ତ୍ରୀ ମୋଦୀଙ୍କୁ ଗୁହାରୀ କରୁଥିବା ଦେଖିବା ପାଇଁ ମିଳୁଛି । ରାଜନୈତିକ ଭାବେ ଅସ୍ଥିର ପାକିସ୍ତାନରେ ଦିନକୁ ଦିନ ଅବସ୍ଥା ଖରାପ ଦେଖିବା ପାଇଁ ମିଳୁଛି ।
ପିଓକେରେ ପାକିସ୍ତାନ ଅବୈଧ ଭାବରେ କବ୍ଜା କରିଛି । ପ୍ରଧାନମନ୍ତ୍ରୀ ମୋଦୀ ସେମାନଙ୍କୁ ମୁକ୍ତି ଦିଅନ୍ତୁ ବୋଲି ପିଓକରେ ପ୍ରଦର୍ଶନ କରାଯାଇଛି । ତେବେ ପାକିସ୍ତାନରେ ଏହି ପ୍ରଦର୍ଶନକାରୀମାନଙ୍କୁ ପଶୁପରି ବ୍ୟବହାର କରାଯାଉଥିବା ଅଭିଯୋଗ ହୋଇଛି ।
