ଗୁଜରାଟ ଗସ୍ତରେ ପ୍ରଧାନମନ୍ତ୍ରୀ; ଆଜି ଆନ୍ତର୍ଜାତୀୟ ପାରମ୍ପରିକ ଚିକିତ୍ସାକେନ୍ଦ୍ରର କରିବେ ଉଦ୍ଘାଟନ
ନୂଆଦିଲ୍ଲୀ: ଗୁଜରାଟ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗତକାଲିଠୁ ତିନିଦିନିଆ ଗୁଜରାଟ ଗସ୍ତରେ ପ୍ରଧାନମନ୍ତ୍ରୀ ଥିବାବେଳେ ଆଜି ଆନ୍ତର୍ଜାତୀୟ ପାରମ୍ପରିକ ଚିକିତ୍ସାକେନ୍ଦ୍ରର ଉଦ୍ଘାଟନ କରିବେ । ପ୍ରାୟ ୧୦ଟା ସମୟରେ ପ୍ରଧାନମନ୍ତ୍ରୀ ଏହି କାର୍ଯ୍ୟକ୍ରମରେ ଯୋଗଦେବା ସହ ଦେଶବାସୀଙ୍କ ଉଦ୍ଦେଶ୍ୟରେ ଏହାକୁ ଉତ୍ସର୍ଗ କରିବେ । ପରବର୍ତ୍ତୀ ସମୟରେ ପ୍ରଧାନମନ୍ତ୍ରୀ ବିଭିନ୍ନ ବିକାଶମୂଳକ କାର୍ଯ୍ୟର ମୂଳଦୂଆ ପକାଇବେ । ଆସନ୍ତାକାଲି ମଧ୍ୟ ପ୍ରଧାନମନ୍ତ୍ରୀଙ୍କ ଦ୍ୱାରା କିଛି ଉଦଘାଟନ କରିବାର କାର୍ଯ୍ୟକ୍ରମ ରହିଛି । କାଲି ସକାଳ ପ୍ରାୟ ସାଢ଼େ ୧୦ଟାରେ ପ୍ରଧାନମନ୍ତ୍ରୀ ଗାନ୍ଧିନଗରରେ ଗ୍ଲୋବାଲ୍ ଆୟୁଷ ନିବେଶ ଏବଂ ଅଭିନବ ସମ୍ମିଳନୀର ଉଦଘାଟନ କରିବେ । ପରେ ଏକ ମହା ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି ଯୋଗ ଦେବା ସହ ବିଭିନ୍ନ ବିକାଶମୂଳକ ପ୍ରକଳ୍ପର ଉଦଘାଟନ କରିବେ ବୋଲି ସୂଚନା ରହିଛି ।
ସୂଚନାମୁତାବକ ପ୍ରଧାନମନ୍ତ୍ରୀ ମୋଦି ଏନେଇ ଏକ ଟ୍ୱିଟ୍ କରିଥିଲେ । ଯେଉଁଥିରେ ଗାନ୍ଧିନଗର, ବନାସ୍କାନ୍ତ, ଜାମନଗର ଏବଂ ଦାହୋଡରେ କାର୍ଯ୍ୟକ୍ରମରେ ଯୋଗଦେବେ ବୋଲି ସେ ସୂଚନା ଦେଇଥିଲେ ।
Comments are closed.