ଭୁବନେଶ୍ବର: ପିଏମ୍ କିଷାନ ଯୋଜନାରୁ ବାଦ୍ ପଡିଥିବା ଚାଷୀଙ୍କ ପାଇଁ ଖୁସି ଖବର ଘୋଷଣା କରିଛନ୍ତି ରାଜ୍ୟ ସରକାର। ଚାଷୀଙ୍କୁ ଏଣିକି କେୱାଇସି ଅପ୍ଡେଟ ପାଇଁ ଅତିରିକ୍ତ ୬ ମାସ ସମୟ ମିଳିବ। ସେପ୍ଟେମ୍ବର ୮ରୁ ଆରମ୍ଭ କରି ୬ ମାସ ମଧ୍ୟରେ ଚାଷୀ ନିଜ କେୱାଇସି ଅପ୍ଡେଟ କରିପାରିବେ। କୌଣସି ଚାଷୀ ଯେପରି ପିଏମ୍ କିଶାନରୁ ବାଦ୍ ନପଡନ୍ତି ସେଥିପାଇଁ ସରକାର ଏକ ସ୍ବତନ୍ତ୍ର ପଦକ୍ଷେପ ଆରମ୍ଭ କରିଛନ୍ତି। ଥରେ କେୱାଇସି ଅପ୍ଡେଟ କରିବା ପରେ ସିଏମ୍ କିଷାନ ହିତାଧିକାରୀ ପିଏମ୍ କିଷାନ ଯୋଜନାର ଲାଭ ପାଇପାରିବେ। ରିପୋର୍ଟ ଅନୁସାରେ ୫୧.୫୪ ଲକ୍ଷ ଚାଷୀ ସିଏମ୍ କିଷାନ ଯୋଜନାରେ ସାମିଲ ଥିବାବେଳେ ପିଏମ୍ କିଷାନରେ ୩୪ ଲକ୍ଷ ୮୫ ହଜାର ହିତାଧିକାରୀ ଅଛନ୍ତି। ଚଳିତବର୍ଷ ୬ ଲକ୍ଷ ଚାଷୀ ପିଏମ୍ କିଷାନରେ ଯୋଡିହୋଇଛନ୍ତି। ଏହି ଅପ୍ଡେଟ ପରେ ଚାଷୀମାନେ ସିଧାସଳଖ କେନ୍ଦ୍ରୀୟ ଯୋଜନାର ସୁବିଧା ପାଇପାରିବେ ବୋଲି ବିଭାଗ ସୂଚନା ଦେଇଛି।
Popular Categories
Previous article
Next article