ନୋଇଡ଼ା: ପ୍ରଦୂଷିତ ବାୟୁବଳୟରେ ଥିବା ନୋଇଡ଼ାବାସୀଙ୍କ ପାଇଁ ଖୁସି ଖବର। ପ୍ରଦୂଷଣରୁ ମୁକ୍ତି ପାଇଁ ସେଠାରେ ବ୍ୟାପକ ବୃକ୍ଷରୋପଣ କାର୍ଯ୍ୟକ୍ରମ ଆରମ୍ଭ ହୋଇଛି। ଏପରିକି ଗୋଟିଏ ଦିନରେ ସେଠାରେ ୧ ଲକ୍ଷ ୭୦ ହଜାର ଚାରା ରୋପଣ କରି ଏକ ରେକର୍ଡ ପ୍ରତିଷ୍ଠା କରାଯାଇଛି। ଗତ ଅଗଷ୍ଟ ୧୫ ତାରିଖରେ ନୋଇଡ଼ାରେ ଗୋଟିଏ ଦିନରେ ୧ ଲକ୍ଷ ୪୦ ହଜାର ଚାରା ରୋପଣ କରାଯାଇଥିଲା। ତେଣୁ ନୋଇଡ଼ା ଏଥର ତାର ପୂର୍ବ ରେକର୍ଡକୁ ଭାଙ୍ଗି ଏକ ନୂଆ ରେକର୍ଡ ପ୍ରତିଷ୍ଠା କରିଛି।
ନୋଇଡ଼ା ଉନ୍ନୟନ କର୍ତ୍ତୃପକ୍ଷ ଓ ସ୍ଥାନୀୟ ପ୍ରଶାସନ ଦ୍ୱାରା ଆୟୋଜିତ ଏହି ବ୍ୟାପକ ଚାରାରୋପଣ କାର୍ଯ୍ୟକ୍ରମରେ ନୋଇଡ଼ାର ଆବାସିକ କଲ୍ୟାଣ ସଂଘ, ସ୍କୁଲ୍ ଓ କଲେଜ୍ ଛାତ୍ରଛାତ୍ରୀ, ଯୁବକ ସଂଘ, ଶିଳ୍ପ ସଂଘ, ବିଭିନ୍ନ କମ୍ପାନୀର ଅଧିକାରୀ ଓ ଜନସାଧାରଣ ଭାଗ ନେଇଥିଲେ। ନୋଇଡ଼ା ସହର ଓ ଆଖପାଖ ଅଞ୍ଚଳର ପ୍ରାୟ ୨୮ଟି ଆବାସିକ ସ୍ଥାନ ଓ ରାସ୍ତାପାଶ୍ୱର୍ରେ ଚାରାରୋପଣ କରାଯାଇଥିଲା। ଜାମୁକୋଳି, ତେନ୍ତୁଳି, କଦମ୍ବ, ବେଲ, ନିମ, ଅଁଳା, ଅଶୋକ, ଚମ୍ପା, କାଠଚମ୍ପା, ଓସ୍ତ ଆଦି ଚାରା ରୋପଣ କରାଯାଇଥିବା ଜଣାପଡ଼ିଛି।
ଗୋଟିଏ ଦିନରେ ୧.୭ ଲକ୍ଷ ଚାରା ରୋପଣ
Popular Categories
Previous article
Next article