ପିପିଲି:ପିପିଲିର ବରିଷ୍ଠ ନାଗରିକ ସଂଘ ପକ୍ଷରୁ ସ୍ଥାନୀୟ ଜୟପୁରଶାସନ ଗ୍ରାମ୍ୟଛକ ନିକଟରେ ଏକ ଜଳଛତ୍ର ସେବା ଉଦ୍ଘାଟିତ ହୋଇଯାଇଛି। ଏଥିରେ ସଂଘର ବରିଷ୍ଠ ସଦସ୍ୟ ତଥା ଅବସରପ୍ରାପ୍ତ ଶିକ୍ଷାବିତ୍ ଧିରେନ୍ଦ୍ର ମିଶ୍ର, ସଂଘର ସଂପାଦକ ଲକ୍ଷ୍ମୀଧର ପରିଡା, କୋଷାଧ୍ୟକ୍ଷ ପ୍ରଫୁଲ୍ଲ କୁମାର କଣ୍ଠ, ପ୍ରସନ୍ନ କୁମାର ନାୟକ, ଆର୍ତ୍ତତ୍ରାଣ ନାୟକ, ରାମଚନ୍ଦ୍ର ଦାଶ, ଧ୍ରୁବଚରଣ ସାହୁ, ପଦ୍ମନାଭ ପାତ୍ର, ଦୁର୍ଗାଚରଣ ଶତପଥୀ, ପବନି ସ୍ୱାଇଁ, ଶରତ ଚନ୍ଦ୍ର ନାୟକ, ଗୋପାଳ ଚନ୍ଦ୍ର ମିଶ୍ର ପ୍ରମୁଖ ଉପସ୍ଥିତ ରହି ରାସ୍ତାରେ ଯାଉଥିବା ପଥଚାରୀଙ୍କୁ ଦହିପଣା ଓ ଥଣ୍ଡା ପାନୀୟ ଜଳ ବଣ୍ଟନ କରିଥିଲେ।
ପ୍ରଚଣ୍ଡ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଅଂଶୁଘାତ ସମସ୍ୟାରୁ ରକ୍ଷା ପାଇବା ପାଇଁ ସରକାରଙ୍କ ମାର୍ଗଦର୍ଶିକାକୁ ମାନିବାକୁ ସମସ୍ତଙ୍କୁ ପରାମର୍ଶ ଓ ସଚେତନ କରିଥିଲେ। ପିପିଲିର ସାପ୍ତାହିକ ହାଟପାଳି ତଥା ପ୍ରତ୍ୟେକ ସୋମବାର ଓ ଶୁକ୍ରବାର ଏହି ଜଳଛତ୍ର ଶିବିର ଚାଲୁରହିବ ବୋଲି ସଂଘ ପକ୍ଷରୁ ସୂଚନା ଦିଆଯାଇଛି।
Comments are closed.