ପିପିଲି :ପୁରୀ-ଭୁବନେଶ୍ୱର ଜାତୀୟ ରାଜପଥର ପିପିଲି ବାଇପାସ ରାସ୍ତାର ଦରଡା ଗାଁ ଛକ ନିକଟରେ ଶୁକ୍ରବାର ସଂନ୍ଧ୍ୟାରେ ପୁଲିସ ଭ୍ୟାନ୍ ଧକ୍କାରେ ଗୋଟିଏ ଗାଇର ମୃତ୍ୟୁ ଘଟିଥିବା ସୂଚନା ମିଳିଛି। ଉକ୍ତ ପୁଲିସ ଭ୍ୟାନଟି ପୁରୀରୁ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ହଠାତ୍ ଗାଡି ସମ୍ମୁଖକୁ ଏକ ଗାଇ ଦଉଡି ଆସିଥିଲା। ଫଳରେ ଗାଡି ଧକ୍କାରେ ଗାଇର ମୃତ୍ୟୁ ଘଟିଥିବା ବେଳେ ଗାଡିରେ ବସିଥିବା ଜଣେ ପୁଲିସ କର୍ମଚାରୀଙ୍କ ବାମ ହାତ ପାପୁଲି ପଛପାର୍ଶ୍ବ ଗୁରୁତର ଆଘାତ ଲାଗିଛି। ଆହତ ପୁଲିସ କର୍ମଚାରୀଙ୍କୁ ପିପିଲି ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ଭୁବନେଶ୍ୱର ସ୍ଥାନାନ୍ତର କରାଯାଇଥିବା ସୂଚନା ମିଳିଛି। ମୃତ ଗାଇକୁ ଜାତୀୟ ରାଜପଥ ଡିଭାଇଡର ମଝିରେ ଜେସିବି ଦ୍ୱାରା ଖୋଳାଯାଇ ପୋତି ଦିଆଯାଇଥିବା ସୂଚନା ମିଳିଛି।
Comments are closed.