ପାଟଣା: ପାଟଣା ବ୍ଲକ ଅନ୍ତର୍ଗତ ମୂଷାଖୋରୀ ପଞ୍ଚାୟତର ମଲ୍ଲିପଶିଠାରେ ଥିବା ଶ୍ରୀ ଜଗନ୍ନାଥ ମନ୍ଦିରରେ ଦିଅଁ ଅଣସର ଘରେ ଜ୍ବରରେ ପୀଡ଼ିତ ହୋଇ ବିଶ୍ରାମ ନେଉଛନ୍ତି। ପ୍ରଭୁଙ୍କ ବିଭିନ୍ନ ଗୁପ୍ତ ସେବା ସେବକ ସେବାୟତମାନେ ଯୋଗାଇ ଦେଉଛନ୍ତି । ଦଶମୂଳ ଚେର ଔଷଧୀରୁ ପ୍ରସ୍ତୁତ ଫୁଲରି ତେଲକୁ ଶ୍ରୀକ୍ଷେତ୍ରରୁ ମଲ୍ଲିପଶି ଜଗନ୍ନାଥ ମନ୍ଦିରକୁ ଅଣାଯାଇଛି । ଅଣସରରେ ଥିବା ପ୍ରଭୁମାନଙ୍କ ଶ୍ରୀଅଙ୍ଗରେ ଏହି ତେଲକୁ ଲଗାଇବାକୁ ପ୍ରସ୍ତୁତି ଚାଲିଛି। ଏହାପରେ ଦିଅଁମାନେ ସୁସ୍ଥ ହୋଇ ବାହାରିବେ ନବଦିନାତ୍ମକ ରଥଯାତ୍ରାରେ । ଏଥି ଲାଗି ମଲ୍ଲିପଶିରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି। ଭଜନ କୀର୍ତ୍ତନ କରି ଏହି ଫୁଲୁରି ତେଲକୁ ସ୍ବାଗତ କରି ପୂଜାପାଠ କରି ମନ୍ଦିର ଭିତରକୁ ନିଆଯାଇଥିଲା। ମନ୍ଦିର ମୁଖ୍ୟ ପୂଜକ ଓ ସେବାୟତମାନେ ଗୁପ୍ତ ପୂଜା ସହ ଏହି ଫୁଲୁରି ତେଲ ମାଲିସ କରିବେ ବୋଲି ଜଣା ଯାଇଛି।
Comments are closed.