ସମାଜ ଡିଜିଟାଲ ଡେସ୍କ: କେନ୍ଦୁଝର ଜିଲା ଘସିପୁରା ଥାନା ଅନ୍ତର୍ଗତ ବେଳବାହାଳି ନିକଟରେ ଶନିବାର ଜଣେ ଦମ୍ପତିଙ୍କୁ ଆକ୍ରମଣ କରି ଲୁଟ କରାଯାଇଛି। ୩ ଜଣ ଦୁର୍ବୃତ୍ତ ଦମ୍ପତିଙ୍କୁ ଅଟକାଇ ତାଙ୍କଠାରୁ ସୁନା ଅଳଙ୍କାର ଲୁଟ କରିଥିବା ଥାନାରେ ଅଭିଯୋଗ ହୋଇଛି।
ସୂଚନା ଅନୁସାରେ, ନିଜ ଛୋଟ ଝିଅ ସହିତ ଏକ ଦମ୍ପତି ବାଇକରେ ଯାଉଥିବା ସମୟରେ ବେଲବାହାଳି ନିକଟରେ ୩ ଦୁର୍ବୃତ୍ତ ସେମାନଙ୍କୁ ଅଟକାଇଥିଲେ। ସେମାନେ ଗୁଳି ଫୁଟାଇ ଦମ୍ପତିଙ୍କୁ ଭୟଭୀତ କରାଇ ଅଳଙ୍କାର ଲୁଟିବାକୁ ଉଦ୍ୟମ କରିଥିଲେ। ସ୍ଵାମୀ ବିରୋଧ କରିବାରୁ ସେମାନେ ତାଙ୍କୁ ଛୁରାମାଡ଼ କରି ତାଙ୍କ ସ୍ତ୍ରୀଙ୍କଠାରୁ ସୁନା ଅଳଙ୍କାର ଲୁଟି ଫେରାର ହୋଇଯାଇଥିଲେ।
