ଫୁଲବାଣୀ: ଖଜୁରୀପଡ଼ା ପୁଲିସ ପକ୍ଷରୁ ଶନିବାର ଏକ ଅଜଣା ଯୁବକର ମୃତ ଦେହକୁ ଜବତ କରାଯାଇଛି। ଖବରରୁ ପ୍ରକାଶ ଯେ ଶନିବାର ଦିନ ଖଜୁରୀପଡ଼ା ଥାନା ଅନ୍ତର୍ଗତ ସୁଡୁଲି ଗ୍ରାମର ଲୋକମାନେ ଜଙ୍ଗଲକୁ ଜାଳ କାଠ ସଂଗ୍ରହ ପାଇଁ ଯାଇଥିବା ବେଳେ ଏକ ଯୁବକର ମୃତ ଦେହ ଦେଖିଥିଲେ ଏବଂ ସେମାନେ ଖଜୁରିପଡ଼ା ପୁଲିସକୁ ଖବର ଦେଇଥିଲେ। ଖବର ପାଇ ଘଟଣା ସ୍ଥଳରେ ଖଜୁରୀପଡ଼ା ପୁଲିସ ପହଞ୍ଚି ମୃତଦେହକୁ ଜବତ କରିବା ସହିତ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି। ମୃତ ଯୁବକଙ୍କ ପରିଚୟ ମିଳି ପାରିନାହିଁ କିମ୍ବା ଯୁବକଙ୍କ କିଭଳି ମୃତ୍ୟୁ ହୋଇଛି ତାହା ମଧ୍ୟ ଜଣାପଡ଼ିନାହିଁ। ମୃତଦେହ ବ୍ୟବଚ୍ଛେଦ ପରେ ଯୁବକଙ୍କ ମୃତ୍ୟୁର କାରଣ ଜଣାପଡ଼ିବ ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି।
Comments are closed.