ଫୁଲବାଣୀ: ଫିରିଙ୍ଗିଆ ପୁଲିସ ପକ୍ଷରୁ ଏକ କ୍ୟୁଣ୍ଟାଲରୁ ଅଧିକ ଗଞ୍ଜେଇ ଜବତ କରାଯାଇଛି। ଏହାସହିତ ଜଣେ ଅଭିଯୁକ୍ତକୁ ପୁଲିସ ଗିରଫ କରିଥିବାବେଳେ ଅନ୍ୟ ଦୁଇଜଣ ଘଟଣାସ୍ଥଳରୁ ଫେରାଇ ହୋଇଯାଇଥିବା ସୂଚନା ମିଳିଛି। ଅଭିଯୁକ୍ତମାନେ ଗଞ୍ଜେଇ ନେବା ପାଇଁ ବ୍ୟବହାର କରିଥିବା ଏକ ଇଣ୍ଡିଗୋ କାରକୁ ଜବତ କରିବା ସହିତ ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରିଛି।
ମିଳିଥିବା ସୂଚନା ମୁତାବକ ଏକ ଟାଟା ଇଣ୍ଡିଗୋ କାରରେ ଏକ କ୍ୟୁଣ୍ଟାଲରୁ ଅଧିକ ଗଞ୍ଜେଇ ଧରି ତାଲପଡା ଠାରୁ ଫୁଲବାଣୀ ଅଞ୍ଚଳରୁ ନେଇଯାଉଥିଲେ। କୌଣସି ସୂତ୍ରରୁ ସୂଚନା ପାଇ ଫିରିଙ୍ଗିଆ ପୁଲିସ ଟିମ ଗଞ୍ଜେଇ ବୋଝେଇ କାରକୁ ପିଛା କରିଥିଲା ଏବଂ ମାଝିପଡା ଘାଟିରେ ସେମାନଙ୍କୁ କାବୁ କରିଥିଲେ। ତିନି ଅଭିଯୁକ୍ତ ମଧ୍ୟରୁ ଜଣକୁ ପୁଲିସ ଧରିବାରେ ସକ୍ଷମ ହୋଇଥିବା ବେଳେ ଆଉ ଦୁଇଜଣ ଘଟଣାସ୍ଥଳରୁ ଫେରାର ଥିବା ପୁଲିସ ସୂଚନା ଦେଇଛି।
ଗିରଫ ହୋଇଥିବା ଅଭିଯୁକ୍ତ ଜଣକ ତାଲପଡା ଅଂଚଳର ମାନିଆ ଦିଗାଲ ବୋଲି ଜଣାପଡିଛି। ପୁଲିସ ମାନିଆକୁ ଗିରଫ କରିବା ସହ କେସ ନମ୍ବର ୪୬/୨୩ ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି।
Comments are closed.