ଫୁଲବାଣୀ: କନ୍ଧମାଳ ଜିଲା ଫିରିଙ୍ଗିଆ ବ୍ଲକ କାଶୀନିପଦର ପଞ୍ଚାୟତ ମାଝୀ ପଡ଼ା ଠାରେ ଫିରିଙ୍ଗିଆ ବ୍ଲକ କୃଷକ ସାଥୀ ସଂଘର ବୈଠକ ଅନୁଷ୍ଠିତ ହୋଇଛି କ୍ଷ କୃଷକ ସାଥୀ ସଂଘର ସଭାପତି ବିଶ୍ବାମିତ୍ର ମହାକୁଡଙ୍କ ତତ୍ତ୍ବାବଧାନରେ ଏହି ବୈଠକ ଆୟାଜନ ହୋଇଥିବା ବେଳେ ୨୪ଟି ପଞ୍ଚାୟତର ୪୮ ଜଣ କୃଷକ ସାଥୀ ଯୋଗ ଦେଇଥିଲେ।
ବୈଠକରେ ସରକାରଙ୍କ ସମସ୍ତ ଯୋଜନା ତଥା ମାଟି ପରୀକ୍ଷା,ଧାଡ଼ି ଧାନ ରୁଆ, କୃଷକ ଓଡ଼ିଶାରେ ପଞ୍ଜିକରଣ କରିବା, ପିଏମ କିଶାନରେ ଅନ୍ତର୍ଭୁକ୍ତ କରିବା, କୃଷକ ପରିଚୟ ପତ୍ର କରାଇ ଦେବା ଓ କୃଷକମାନଙ୍କ ନିକଟରେ ସମସ୍ତ ଯୋଜନାମାନ ପହଞ୍ଚାଇବା କୃଷକ ସାଥୀ ମାନଙ୍କ ମୁଖ୍ୟ ଭୂମିକା ରହିଛି। ଗତ ୨୦୦୬ ଠାରୁ ସରକାରଙ୍କ ଠାରୁ ସ୍ବୀକୃତି ପାଇଥିବା କୃଷକ ସାଥୀ ମାନଙ୍କ ଦରମା ମାତ୍ର ୧୦୦୦ ଟଙ୍କା ହୋଇ ଥିବା ବେଳେ ପରିବାର ପ୍ରତିପୋଷଣ ସମ୍ଭବ ହୋଇ ପାରୁ ନ ଥିବାରୁ ଆଗାମୀ ଦିନରେ ଦରମା ବୃଦ୍ଧି ଦାବି କରିବା ପାଇଁ ସଂଘ ପକ୍ଷରୁ ସରକାରଙ୍କ ନିକଟରେ ଦାବି ଉପସ୍ଥାପନ କରିବା ପାଇଁ ଆଲୋଚନା କରା ଯାଇଥିଲା। ବୈଠକରେ ଉପ ସଭାପତି ବଜନ୍ କହଁର, ସମ୍ପାଦକ ନିରାକାର ସାହୁ, ସହ ସମ୍ପାଦକ ସୁଧୀର କୁମାର ଦିଗାଲ୍ ଓ ପ୍ରତ୍ୟେକ ପଞ୍ଚାୟତର କୃଷକ ସାଥୀ ମାନେ ଯୋଗ ଦେଇଥିଲେ।
Comments are closed.