ଫୁଲବାଣୀ: ଖଜୁରୀପଡା ବ୍ଲକ ମୁଖ୍ୟାଳୟ ଚାରିପଡା ଗ୍ରାମ ନିକଟସ୍ଥ ସରକାରୀ ଜମିରେ ଆଇଆରବି ବାଟାଲିୟନ ପାଇଁ ଜମି ଚିହ୍ନଟ ହୋଇଥିବା ବେଳେ ଏହାକୁ ବିରୋଧ କରିବା ସହ ଚିହ୍ନିଟ ଜମିକୁ ବାତିଲ କରିବାକୁ ସାତଖଣ୍ଡ ଗ୍ରାମବାସୀ ଖଜୁରୀପଡା ତହସିଲଦାର ଶ୍ରୀମତୀ ସ୍ୱପ୍ନିତା ନାୟକଙ୍କ ଜରିଆରେ ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି । ଚାରିପଡା ଗ୍ରାମବାସୀ ସମେତ ଘୁଗୁଲାସାହି, ଡେହେଙ୍ଗୀ, ଖଜୁରୀପଡା, ବୁଡାରାକାଡି, କରୁଣାଗ୍ରାମର ଏବଂ ଦୁତିମେଣ୍ଡି ଗ୍ରାମର ଶତାଧିକ ମହିଳା ପୁରୁଷ ଯୁବକ ଯୁବତୀ ପ୍ରମୁଖ ଗତକାଲି ତହସିଲ କାର୍ଯ୍ୟାଳୟରେ ପହଞ୍ଚି ତହସିଲଦାରଙ୍କୁ ଆଇଆରବି ବାଟାଲିୟନ ପାଇଁ ଚିହ୍ନଟ ହୋଇଥିବା ଜମି ବାତିଲ କରିବାକୁ ଅନୁରୋଧ କରିବା ସହ ଜିଲ୍ଲାପାଳଙ୍କୁ ମଧ୍ୟ ଲିଖିତ ଅଭିଯୋଗ ପ୍ରେରଣ କରିଛନ୍ତି ।
ଗ୍ରାମବାସୀଙ୍କ ଅଭିଯୋଗ ଅନୁସାରେ ପୂର୍ବପୁରୁଷରୁ ସେମାନଙ୍କ ପାରମ୍ପରିକ ଚାଷ କୋଳଥ, ମାଣ୍ଡିଆ, ମୁଗ, ବିରି, ରାଶି, କନ୍ଦମୂଳ, ହଳଦୀ ଚାଷ ସହିତ ସାତଖଣ୍ଡ ଗ୍ରାମର ମାଆ ଭଉଣୀ ମହିଳା ମାନେ କାଠ ପତ୍ର, ଖାଇବା ତେଲ ଭାବେ ମହୁଲ ଗଛର ଗରା ସଂଗ୍ରହ, ଜଙ୍ଗଲ ଜାତୀୟ ହରଟା, ବାହାଡା, ଆମ୍ବ, ଅଁଳା ଝୁଣା ମହୁ ଆଦି ସଂଗ୍ରହ ଏବଂ ବର୍ଷାଦିନେ ଛତୁ ସଂଗ୍ରହ କରି ନିଜର ଭରଣପୋଷଣ କରିଥାନ୍ତି । ଉକ୍ତ ଜମିରେ ମଧ୍ୟ ଗୋଚର ଜମି ରହିଥିବା ବେଳେ ସାତଖଣ୍ଡ ଗ୍ରାମର ଗାଈଗୋରୁ ମଧ୍ୟ ଚଲାବୁଲା କରାଯାଏ । ଏହି ଜମି ଯଦି ଆଇଆରବି ବାଟାଲିଅନକୁ ପ୍ରଦାନ କରାଯାଏ ତାହେଲେ ଆମ ଅଞ୍ଚଳର ଜନସାଧାରଣଙ୍କ ସମେତ ଗୋରୁଗାଈ ମାନଙ୍କ ବିଚରଣ ସହ ଜୀବନ ଜୀବିକା ସମ୍ପୂର୍ଣ୍ଣ ପ୍ରଭାବିତ ହୋବ ବୋଲି ଗ୍ରାମବାସୀ ଅଭିଯୋଗ କରୁଛନ୍ତି ।
ସରକାର ଯଦି ଆମ ଅଭିଯୋଗକୁ ସାତଦିନ ଭିତରେ ସମାଧାନ ନକରନ୍ତି ତାହେଲେ ବାଧ୍ୟ ହୋଇ ଆମେ ଆନ୍ଦୋଳନ ଆରମ୍ଭ କରିବୁ ବୋଲି ସୁଷମା ନାୟକ, ବନୀତା ବେହେରା, ମନୋଜ କୁମାର ଯାନୀ, ରାଜକିଶୋର ଯାନୀ, ମିଥୁନ ଯାନୀ, ଲଳିତା ଯାନୀ, ଦ୍ରୌପଦୀ ଯାନୀ, ବିଳାସ ଯାନୀ, ଲତା ଯାନୀ, ପ୍ରମଦା ଯାନୀ, ପୁଷ୍ଟିତା ଯାନୀ, ମନୋରଂଜନୀ ଯାନୀ,ଉର୍ବଶୀ ଆଚାର୍ଯ୍ୟ, ଅରୁଣ ଯାନୀ, ଗୋଲକବିବାରୀ ଯାନୀ, ଲକ୍ଷ୍ମଣ ଝାଙ୍କର, ସନ୍ତୋଷ ଝାଙ୍କର, ସନ୍ତୋଷ ଦଳବେହେରା ସୁଶାନ୍ତ ବେହେରା, ମହେନ୍ଦ୍ର ଯାନୀଙ୍କ ସମେତ ଶତାଧିକ ମହିଳା ପୁରୁଷ ଓ ଯୁବକ ଯୁବତୀ ପ୍ରମୁଖ ଦାବି ପତ୍ର ପ୍ରଦାନ ବେଳେ ଉପସ୍ଥିତ ଥିଲେ ।
Comments are closed.