ଫୁଲବାଣୀ: ଫୁଲବାଣୀ ସହରର ବିଭିନ୍ନ ସମସ୍ୟା ନେଇ ଆମ ଆଦମୀ ପାର୍ଟି ପକ୍ଷରୁ ଜିଲ୍ଲାପାଳ ଓ ପୌରାଧ୍ୟକ୍ଷାଙ୍କୁ ଦାବିପତ୍ର ପ୍ରଦାନ କରାଯାଇଛି । ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ନିୟମିତ ଅଲଟ୍ରାସାଉଣ୍ଡ ବ୍ୟବସ୍ଥା ନଥିବାରୁ ଗରୀବ ରୋଗୀ ମାନେ ଅନେକ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛି ଦଳ । ସେହିଭଳି ଫୁଲବାଣୀ ସହରର ବିଭିନ୍ନ ରାସ୍ତା କଡରେ ବସୁଥିବା ଉଠା ଦୋକାନୀ ମାନଙ୍କ ଯୋଗୁଁ ଟ୍ରାଫିକ ସମସ୍ୟା ସୃଷ୍ଟି ହେଉଥିବା ନେଇ ମଧ୍ୟ ଦଳ ଅଭିଯୋଗ କରିଛି । ସହରର ବିଭିନ୍ନ ଶୌଚାଳୟ ମାନଙ୍କର ଦୟନୀୟ ସ୍ଥିତି ନେଇ ପାର୍ଟି ତରଫରୁ ଉଦବେଗ ପ୍ରକାଶ କରାଯାଇଛି । ଏହି ସବୁ ସମସ୍ୟାର ସ୍ଥାୟୀ ସମାଧାନ ପାଇଁ ଦଳ ପକ୍ଷରୁ କନ୍ଧମାଳ ଜିଲ୍ଲାପାଳ ଓ ପୌରାଧ୍ୟକ୍ଷାଙ୍କୁ ନିବେଦନ କରାଯାଇଛି। ନଗର ସଭାପତି ରଶ୍ମିତା ପଟ୍ଟନାୟକଙ୍କ ନେତୃତ୍ୱରେ ଉପସଭାପତି ସୁନୀଲ କୁମାର ମୁନୀ, ଉପଦେଷ୍ଟା ରାଜକିଶୋର ପାଢ଼ୀ, ଜିଲ୍ଲା ଉପସଭାପତି ଗିରିଶ ପଟ୍ଟନାୟକ,ଏସସି ସେଲ ସଭାପତି ତ୍ରିନାଥ ମାଝୀ ଓ ଯୁବନେତା ମହେଶ୍ବର ବେହେରା ପ୍ରମୁଖ ଏହି ଦାବିପତ୍ର ପ୍ରଦାନ କରିଛନ୍ତି ।
Comments are closed.