ଫୁଲବାଣୀ: କନ୍ଧମାଳ ଜିଲା ଟିକାବାଲି ଥାନା ଅନ୍ତର୍ଗତ ଶଂକରାକୋଲ ନିକଟ ସାଲୁଙ୍କୀ ନଦୀରୁ ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଛି । ମୃତଦେହଟି ଚକାପାଦ ବ୍ଲକ ଅନ୍ତର୍ଗତ ବେହେରାଗାଁ ପଂଚାୟତର ଆନନ୍ଦନଗରର ଲାଟେ ଦିଗାଲଙ୍କ ୪୩ ବର୍ଷର ଝିଅ ଲିଲିମା ଦିଗାଲଙ୍କର ବୋଲି ଚିହ୍ନଟ କରାଯାଇଛି । ଲିଲିମା ଗତ ୧୬ ତାରିଖରୁ ନିଖୋଜ ଥିଲେ । ଟିକାବାଲି ପୁଲିସ ଶବକୁ ନଦୀରୁ ଉଦ୍ଧାର କରି ଫୁଲବାଣୀ ମୁଖ଼୍ୟ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଇଛି । ସୂଚନା ପ୍ରକାରେ ଲିଲିମା ସଦର ଥାନା ଅର୍ନ୍ତଗତ ରାଶିମେଣ୍ଡି ପଂଚାୟତର ଲାହାବାଡ଼ି ଗ୍ରାମରେ ବିବାହ କରିଥିଲେ । ସ୍ୱାମୀ ସ୍ତ୍ରୀଙ୍କ ମଧ୍ୟରେ କୌଣସି କାରଣରୁ ମନୋମାଳିନ୍ୟ ସେ ନିଜ ବାପଘର ରହୁଥିଲେ । ଗତ ୧୬ ତାରିଖରେ ସେ ଟିକାବାଲି ହାଟକୁ ଯାଇ ଆଉ ଘରକୁ ଫେରିଥିଲେ ।
ଲିଲିମାଙ୍କ ଭାଇ ନବ ଦିଗାଲ ଏ ନେଇ ଟିକାବାଲି ଥାନାରେ ଏକ ନିଖୋଜ ରିପୋର୍ଟ ଦେଇଥିଲେ । ଆଜି ଶଙ୍କରାଖୋଲ-କଇଁଝର ରାସ୍ଥାରେ ଜିଗିନାଗାଁ ନିକଟରେ ସାଲୁୁଙ୍କୀ ନଦୀରେ ଏକ ଶବ ଭାସୁଥିବା କିଛି ସ୍ଥାନୀୟ ଲୋକ ଦେଖିବା ପରେ ପୁଲିସକୁ ଖବର ଦେଇଥିଲେ । ଟିକାବାଲି ଥାନା ଅଧିକାରୀ ଅଜୟ କୁମାର ସ୍ୱାଇଁ ଖବର ପାଇ ଘଟଣା ସ୍ଥଳରେ ପହଂଚିବା ସହ ଦମକଳ ବାହିନୀର ସହାୟତାରେ ଶବକୁ ଉଦ୍ଧାର କରି ଫୁଲବାଣୀ ମେଡ଼ିକାଲକୁ ବ୍ୟବଚ୍ଛେଦ ପାଇଁ ପଠାଇଥିଲେ । ଏ ନେଇ ଟିକାବାଲି ଥାନାରେ କେସ ନଂ ୮ା୨୨ରେ ଏକ ପପମୃତ୍ୟୁ ମାମଲା ରୁଜୁ କରାଯାଇ ତଦନ୍ତ ଚାଲିଥିବା ଥାନା ସୂତ୍ରରୁ ପ୍ରକାଶ ।
Comments are closed.