ନୂଆଦିଲ୍ଲୀ : ଭାରତରେ ପ୍ରତିଦିନ କୋଟି କୋଟି ଲୋକ ଟ୍ରେନରେ ଯାତ୍ରା କରୁଛନ୍ତି । ଯଦିଓ ଟ୍ରେନରେ ଯାତ୍ରା ସୁରକ୍ଷିତ କିନ୍ତୁ ଅନେକ ଲୋକ ନିଜ ଜୀବନକୁ ବାଜି ଲଗାଇ ଟ୍ରେନରେ ଓହଳି ଯାତ୍ରା କରନ୍ତି । ନିକଟରେ ଏମିତି ଏକ ଭିଡିଓ ଭାଇରାଲ ହେଉଛି ଯାହାକୁ ଦେଖି ସମସ୍ତେ ଚକିତ ହେଉଛନ୍ତି । ଭିଡିଓରେ କିଛି ଲୋକ ଟ୍ରେନର ଛାତ ଉପରେ ଯାତ୍ରା କରୁଛନ୍ତି ।
ରେଳବାଇ ନିୟମ ଅନୁସାରେ ଟ୍ରେନ ଛାତ ଉପରେ ଯାତ୍ରା କରିବା ଅପରାଧ । ଏଭଳି କଲେ ଜୋରିମାନା ଲାଗିପାରେ । କିନ୍ତୁ କିଛି ଅମାନିଆ ଏଭଳି ହରକତ କରୁଛନ୍ତି । ଏହାର ଦୃଶ୍ୟ ଅନେକ ସମୟରେ ସାମାଜିକ ଗଣମାଧ୍ୟମରେ ଦେଖିବାକୁ ମିଳେ । ଏବେ ଏମିତି ଏକ ଦୃଶ୍ୟର ଭିଡିଓ ଭାଇରାଲ ହେଉଛି ।
मजबुरी होगी नहीं तो इतना रिस्क कोई नहीं लेता हैं। pic.twitter.com/54X3NIekZX
— Hansraj Meena (@HansrajMeena) June 9, 2024
ମାଇକ୍ରୋ ବ୍ଲଗିଂ ପ୍ଲାଟଫର୍ମ ଏକ୍ସରେ ଏହି ଭିଡିଓକୁ ହଂସରାଜମିନା ନାମକ ଏକ ଆକାଉଣ୍ଟରୁ ସେୟାର କରାଯାଇଛି । ୧୭ ସେକେଣ୍ଡର ଏହି ଭିଡିଓକୁ ଏପର୍ଯ୍ୟନ୍ତ ୧୫ ଲକ୍ଷରୁ ଅଧିକ ଲୋକ ଦେଖିସାରିଲେଣି । ୨୨ ହଜାରରୁ ଅଧିକ ଲୋକ ଏହି ଭିଡିଓକୁ ଲାଇକ କରିଛନ୍ତି । ଭିଡିଓରେ କିଛି ଲୋକ ଲେଖିଛନ୍ତି କି ଭାରତରେ ଗରିବଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ପଇସା ଅଭାବରୁ ବିପଜ୍ଜନକ କାମ କରିବାକୁ ପଛାଉନାହାଁନ୍ତି ବୋଲି ପ୍ରତିକ୍ରିୟାରେ ଲେଖୁଛନ୍ତି ଲୋକେ।
