ପାତ୍ରପୁର: ପାତ୍ରପୁର ବ୍ଳକ ଅନ୍ତର୍ଗତ ବୁରାତାଲ ପଞ୍ଚାୟତର ଦୁର୍ଗମ କୁରୁଗୁଡ ଗ୍ରାମ ଠାରୁ ବାଦୁଆ ଯିବା ରାସ୍ତାରେ ଗତକାଲି ଠାରୁ ଏକ ଗଛ ଭାଙ୍ଗି ପଡିବା ଫଳରେ ଯାତାୟାତ ସମସ୍ୟା ସୃଷ୍ଟି ହୋଇଥିଲା। ଏ ସମ୍ପର୍କରେ ଖବର ପ୍ରକାଶ ପାଇବା ପରେ ରାସ୍ତାରେ ପଡ଼ିଥିବା ଗଛ ହଟାଇବା ଫଳରେ ଯାତାୟାତ ସୁବିଧା ହୋଇଛି।
ଗତ ଚାରି ଦିନ ଧରି ଲଗାଣ ବର୍ଷା ଫଳରେ ଏହି ରାସ୍ତାର କୁରୁଗୁଡ ଗ୍ରାମ ଠାରୁ ଦୁଇ କିଲୋ ମିଟର ଦୂର ରାସ୍ତା ପାର୍ଶ୍ବରେ ଥିବା ଏକ ଶୁଖିଲା ଶିମୁଳି ଗଛ ଭାଙ୍ଗି ପଡିଥିଲା। ଜାହାରି ଫଳରେ ପାହାଡ଼ ଉପରେ କୁରୁଗୁଡ ଗ୍ରାମର ଲୋକମାନେ ପଞ୍ଚାୟତକୁ ଯିବାକୁ ଅସୁବିଧା ହେବା ସହ ବାଦୁଆ ଧୋବାଲିଙ୍ଗି ଗ୍ରାମର ଲୋକମାନେ ବସରେ ଯିବାକୁ ଆଙ୍କୁଳି ଆସିବାରେ ସୃଷ୍ଟି ହୋଇଥିଲା।
ଖବର ପ୍ରକାଶ ପରେ ପ୍ରଶାସନ ତତ୍ପରତା ପ୍ରକାଶ କରିବା ସହ ଅଗ୍ନିଶମ୍ ବିଭାଗ କର୍ମଚାରୀମାନେ ବର୍ଷାରେ ପହଞ୍ଚି ଗଛକଟା ମେସିନ ସାହାଯ୍ୟରେ ଶୁଖିଲା ଗଛ କାଟି ରାସ୍ତା ସଫା କରି ଥିଲେ। ଯାହାକୁ ଦେଖି ଲୋକ ମାନେ ଖୁସି ବ୍ୟକ୍ତ କରିଛନ୍ତି।
Comments are closed.