ପାଟଣା: ଘଟଗାଁ ବ୍ଲକ ଅନ୍ତର୍ଗତ ବହୁ ପୁରାତନ ଓ ନାମକରି ଗ୍ରାମ ଭାବେ ପରିଚିତ ୨୦ ନଂ ଜାତୀୟ ରାଜପଥ ସଂଲଗ୍ନ ଗଦାଧରପୁର ଗ୍ରାମରେ ସ୍ଥାପିତ ସ୍ୱାସ୍ଥ୍ୟ ଉପକେନ୍ଦ୍ରକୁ ଆଜି ପର୍ଯ୍ୟନ୍ତ ରାସ୍ତାଟିଏ ହୋଇ ପାରିନଥିବାରୁ ବୁଦ୍ଧିଜୀବୀଙ୍କ ମହଲରେ ଅସନ୍ତୋଷ ପ୍ରକାଶ ପାଇଛି । ଏହି ସ୍ୱାସ୍ଥ୍ୟ ଉପକେନ୍ଦ୍ରର ନବକଳେବର ସତ୍ତ୍ୱେ ସେଠାକୁ ଗର୍ଭବତୀ ଓ ପ୍ରସୂତୀମାନଙ୍କ ଯାତାୟତ ତଥା ଟିକାକରଣ ପାଇଁ ପିଲାମାନଙ୍କୁ ନେବା ପାଇଁ ସ୍ଥାୟୀ ରାସ୍ତା ଖଣ୍ଡିଏ କରାଯାଇନାହିଁ । ଏହି ଉପକେନ୍ଦ୍ର ଉପରେ ଗଦାଧରପୁର, ବାଟହରିଚନ୍ଦନପୁର, ହଳଧରପୁର, ବାଣକାଣ୍ଡ ଓ ଧନୁର୍ଜୟପୁର ଗ୍ରାମବାସୀ ନିର୍ଭର କରିଥାନ୍ତି । ଏନେଇ ବ୍ଲକଠାରୁ ଆରମ୍ଭ କରି ସ୍ଥାନୀୟ ସରପଞ୍ଚଙ୍କୁ ଜଣାଇଥିଲେ ମଧ୍ୟ ଆଜି ପର୍ଯ୍ୟନ୍ତ ସ୍ୱାସ୍ଥ୍ୟ ଉପକେନ୍ଦ୍ରକୁ ରାସ୍ତା ନିର୍ମାଣ ପାଇଁ କେହି ଗୁରୁତ୍ୱ ଦେଇନାହାନ୍ତି । ରାସ୍ତା କର ନହେଲେ ସ୍ୱାସ୍ଥ୍ୟ ଉପକେନ୍ଦ୍ରରେ ତାଲା ମାରିଦିଅ ବୋଲି ଲୋକମାନେ ମତ ଦେଉଥିବାରୁ ବ୍ଲକ ପ୍ରଶାସନ ସମସ୍ୟାର ସମାଧାନ ସହ ଗଦାଧରପୁର ସ୍ୱାସ୍ଥ୍ୟ ଉପକେନ୍ଦ୍ରକୁ ରାସ୍ତା ନିର୍ମାଣ କରିବାକୁ ପଦକ୍ଷେପ ନେବାକୁ ଦାବି ହୋଇଛି ।
Popular Categories
Previous article
Next article