ପିଇବା ପାଣି ପାଇଁ ନିମଘରା ବାସିନ୍ଦାଙ୍କ ଜିଲ୍ଲାପାଳଙ୍କୁ ଗୁହାରି

ପାଟଣା : ଘଟଗାଁ ବ୍ଲକ ରୁଟିଶିଳା ପଞ୍ଚାୟତ ନିମଘରା ସାହିବାସୀ ପାନୀୟ ଜଳ ସଂକଟର ସମ୍ମୁଖୀନ ହେଉଛନ୍ତି । ସାହିର ପ୍ରାଥମିକ ବିଦ୍ୟାଳୟରେ ଥିବା ସୋଲାର ଚାଳିତ ନଳକୂପରୁ ବିଦ୍ୟାଳୟ ଓ ଅଙ୍ଗନୱାଡିର ଛାତ୍ରଛାତ୍ରୀଙ୍କ ରୋଷେଇ ପାଇଁ ପାଣି ସଂଗ୍ରହ କରାଯାଉଥିବା ବେଳେ ସାହିବାସୀ ମଧ୍ୟ ଏହି ସୋଲାର ନଳକୂପରୁ ଭାଗକରି ପିଇବା ପାଣି ନେଉଛନ୍ତି । ସାହିରେ ଥିବା ୨ ଟି ନଳକୂପରୁ ନାଲିଆ ଦୁର୍ଗନ୍ଧ ପାଣି ବାହାରୁଥିଲେ ମଧ୍ୟ ଏହାର ମରାମତି କରାଯାଉନାହିଁ । ଯାହା ଫଳରେ ସାହିବାସୀ ପାନୀୟଜଳ ପାଇଁ ଅକଥନୀୟ ଦୁର୍ଦ୍ଦଶାର ସମ୍ମୁଖୀନ ହେଉଛନ୍ତି । ଏନେଇ ନିମଘର ସାହିର ଗାନ୍ଧାରୀ ଦଣ୍ଡସେନା ,ଶକୁନ୍ତଳା ଦଣ୍ଡସେନା ,ନିର୍ମଳ ନାଏକ,ସବିତା ଦଣ୍ଡସେନା ,ଛୁଟେଲାଲ ଦଣ୍ଡସେନା ,ଜନାର୍ଦ୍ଧନ ଦଣ୍ଡସେନା ପ୍ରମୁଖ ଅନ୍ୟମାନେ ଘଟଗାଁ ବ୍ଲକ ସ୍ତରୀୟ ଅଭିଯୋଗ ଶୁଣାଣି ଶିବିରକୁ ଯାଇ ଜିଲ୍ଲାପାଳଙ୍କୁ ଦାବିପତ୍ର ଦେଇ ସାହିର ପାନୀୟ ଜଳ ସମସ୍ୟାର ସମାଧାନ ପାଇଁ ଦାବି ଜଣାଇଛନ୍ତି ।

Comments are closed.