ପାଟଣା: ଜାତୀୟ ଅନୁସୂଚିତ ଜନଜାତି କମିଶନ ସଦସ୍ୟ ଅନନ୍ତ ନାୟକ ପାଟଣା ବ୍ଲକ ବାଉଁଶୁଳି ପଞ୍ଚାୟତ ସଭାଗୃହରେ ଅଞ୍ଚଳର ସାଧାରଣ ଜନତାଙ୍କ ଆପତ୍ତି ଅଭିଯୋଗର ଶୁଣାଣି କରିଛନ୍ତି । ବିଭିନ୍ନ ସମସ୍ୟାକୁ ନେଇ ଲୋକ ମାନଙ୍କ ସହ ଆଲୋଚନା କରାଯାଇଛି । ଶିକ୍ଷାଦାନ କ୍ଷେତ୍ରରେ ସମସ୍ୟା ପରି ସମ୍ପର୍କରେ ମଧ୍ୟ ଲୋକମାନେ ଶ୍ରୀ ନାୟକଙ୍କୁ ଲିଖିତ ଭାବେ ଜଣାଇବା ସହ କହିବାରୁ ଅଭିଯୋଗର ଶୁଣାଣି କରି ଉପସ୍ଥିତ ଅଧିକାରୀ ମାନଙ୍କୁ ସମସ୍ୟାର ସମାଧାନ ପାଇଁ କୁହାଯାଇଥିଲା । କାର୍ଯ୍ୟକ୍ରମରେ ପାଟଣା ତହସିଲଦାର ତାପସ ରଞ୍ଜନ ଦେହୁରୀ, ବ୍ଲକ ମଙ୍ଗଳ ସଂପ୍ରସାରଣ ଅଧିକାରୀ ଶୁଭେନ୍ଦୁ ବଳ କନିଷ୍ଠ ଯନ୍ତ୍ରୀ ଇଂ ଅଜୟ କୁମାର ବେହେରା, ଗ୍ରାମୀଣ ଆବାସ ବିଭାଗର ସୋମନାଥ ଖଣ୍ଡା ତୁରୁମୁଙ୍ଗା ଥାନାଧିକାରୀ ମଦନମୋହନ ନାଏକ ଏବଂ ଏ ଏସ୍ ଆଇ ନରେଶ ଓରାମ, ବନପାଳ ସୁନିତା ବଘେଲଙ୍କ ସହ ଜିଲ୍ଲା ଓ ବ୍ଲକ ସ୍ତରୀୟ ଅଧିକାରିମାନେ ସାମିଲ ଥିଲେ । କମିଶନ ସଦସ୍ୟଙ୍କ ଗସ୍ତ ସମ୍ପର୍କରେ ଆଗୁଆ କାର୍ଯ୍ୟାଳୟ ପକ୍ଷରୁ ବିଭିନ୍ନ ବିଭାଗକୁ ସୂଚନା ଦିଆଯାଇଥିବା ସତ୍ତ୍ୱେ ବହୁ ଅଧିକାରୀ ଶିବିରରେ ଅନୁପସ୍ଥିତ ଥିବାରୁ ସମସ୍ୟା ଦେଖାଯାଇଥିଲା ।
Popular Categories
Previous article
Next article