ପାଟଣା: ପାଟଣା ବ୍ଲକ୍ ଅଞ୍ଚଳରେ କାର୍ଯ୍ୟରତ ସେଚ୍ଛାସେବୀ ସଂଗଠନ ପିକକ ପକ୍ଷରୁ ବିଭିନ୍ନ ଅଙ୍ଗନବାଡ଼ିରେ ପୋଷଣ ବଗିଚା ପାଇଁ ଚାରା ରୋପଣ କାର୍ଯ୍ୟର ଶୁଭାରମ୍ଭ କରାଯାଇଛି। କୋମଳ ମତି ଶିଶୁଙ୍କ ପାଇଁ ପୋଷଣ ଯୁକ୍ତ ଖାଦ୍ୟ ଅଭାବ ପୂରଣ କରିବା ପାଇଁ ଏଭଳି ପୋଷଣ ବଗିଚା ବେଶ ସହାୟକ ହେବ ବୋଲି ପିକକର କାର୍ଯନିର୍ବାହୀ ନିର୍ଦ୍ଦେଶିକା ଅନୁରାଧା ମହାନ୍ତି ଓ ସମ୍ପାଦକ ରଞ୍ଜନ କୁମାର ମହାନ୍ତି କହିଛନ୍ତି। ବର୍ଷା ଋତୁରେ ଏହି ଚାରାରୋପଣ ସେହି ଲକ୍ଷ ନେଇ କରାଯାଉଥିବା ଜଣାପଡିଛି। ପାଟଣା ବ୍ଲକର ଆଦିବାସୀ ଅଧ୍ୟୁଷିତ ପଲାଣଘାଟି, ଜାମୁଳେଇବେଡା, ନୂଆଗାଁ, ବାଇଦବଜା ଓ କାଳିଘାଇ ଅଙ୍ଗନବାଡ଼ିରେ ସଜନା, ଡାଳିମ୍ବ, ପିଜୁଳି, ଲେମ୍ବୁ, ଜାମୁରୋଳ, ଓଉ ଏବଂ ସପେଟା ଚାରା ରୋପଣ କରାଯାଇଥିବା ଦେଖିବାକୁ ମିଳିଛି। ପିକକର ବ୍ଲକ ସଂଯୋଜକ ସତ୍ୟନାରାୟଣ ମହାନ୍ତ, ସାଧକ କେନ୍ଦ୍ର ଅଞ୍ଚଳ ସଂଗଠକ ରାଜେନ୍ଦ୍ର ନାଏକ, ଅଙ୍ଗନବାଡ଼ି ଅଞ୍ଚଳର ୱାର୍ଡ ସଦସ୍ୟ, ଅଙ୍ଗନବାଡ଼ି କର୍ମୀମାନଙ୍କ ସହଯୋଗରେ ଚାରା ରୋପଣ କରାଯାଇଛି।
Popular Categories
Previous article
Next article