ପାଟଣା: ଦୁଇ ଜଣ ଛେଳି ଚୋର ଗୋଟିଏ ୨୦ କେଜିଆ ଖାସିକୁ ଚରୁଥିବା ସ୍ଥାନରୁ ଉଠାଇ ନେଇ ବାଇକ ଯୋଗେ ଫେରାର ହୋଇ ଯାଉଥିବା ସମୟରେ ସେହି ଗ୍ରାମର ଜଣେ ସାହସୀ ଯୁବତୀ ଗୋଦାବରୀ ନାୟକ(୨୦)ନିଜେ ସ୍କୁଟିରେ ଛେଳି ଚୋରଙ୍କ ବାଇକକୁ ଗୋଡାଇ ଅଟକାଇବା ସହ ଦୁଇ ଛେଳି ଚୋରଙ୍କୁ ମାଡି ବସିବା ଘଟଣା ଏଠାରେ ଚର୍ଚ୍ଚାର ପ୍ରସଙ୍ଗ ଦେଇଛି। ଘଟଣାଟି ଘଟିଛି ଘଟଗାଁ ବ୍ଲକ ଢେଙ୍କିକୋଟ ଫାଣ୍ଡି ଅନ୍ତର୍ଗତ ଗଣ୍ଡଶିଳା ଗ୍ରାମରେ। ଆଜି ଅପରାହ୍ନରେ ଏହି ଘଟଣା ଘଟିବା ପରେ ଗଣ୍ଡଶିଳା ଗ୍ରାମର ରିଇଦାସ ମୁଣ୍ଡାଙ୍କ ଖାସିକୁ ଚୋରାଇ ନେଉଥିବା ଦୁଇ ଯୁବକ ଜଣକ ପୁରୁମୁଣ୍ଡା ଗ୍ରାମର ମଙ୍ଗଳ ନାଏକ ଓ ଗୋଳାବନ୍ଧ ଗ୍ରାମର ମଣ୍ଟୁ ନାଏକ ବୋଲି ଜଣାପଡ଼ିଛି। ଦୁଇ ଖାସି ଚୋରଙ୍କୁ ଘଟଗାଁ ଥାନାକୁ ନିଆଯାଇଛି। ତେବେ ଛେଳି ଚୋରଙ୍କୁ କାବୁ କରିଥିବା ଯୁବତୀ ଗୋଦାବରୀଙ୍କ ସାହାସକୁ ଗ୍ରାମ ବାସୀଙ୍କ ସାବାସୀ ବେସ ଚର୍ଚ୍ଚାର ବିଷୟ ହୋଇଛି ।
Popular Categories
Previous article
Next article