ପାଟଣା: ଝିଅର ନିର୍ବନ୍ଧ ହେବାର ମାତ୍ର କେଇ ମୁହୂର୍ତ୍ତ ପୂର୍ବରୁ ପୁଲିସ ବାପାଙ୍କର ହୃଦଘାତରେ ମୃତ୍ୟୁ ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି। କେନ୍ଦୁଝର ପୁଲିସରେ କାର୍ଯ୍ୟରତ ଅବସର ପ୍ରାପ୍ତ ଏଏସଆଇ ରାଜନଗର ଗ୍ରାମର ଦୁଃଖବନ୍ଧୁ ମିଶ୍ର(୬୫)ଙ୍କ ଗେହ୍ଲା ଝିଅ ମାମାର ଆଜି ନିର୍ବନ୍ଧ ହେବାରଥିଲା। ଷଢେ଼ଇକଳାରୁ ବରପକ୍ଷ ରାଜନଗର ବାହାରି ଆସିଥିଲେ। ତେବେ ବରପକ୍ଷ ରାଜନଗର ପହଞ୍ଚିବା ପୂର୍ବରୁ ଅପରାହ୍ନ ୧ଟା ୧୫ରେ ଦୁଖବନ୍ଧୁ ମିଶ୍ରଙ୍କର ହୃଦଘାତରେ ପରଲୋକ ଘଟିଛି। ଏହି ଖବର ବରପକ୍ଷଙ୍କୁ ଜଣାଇ ଦିଆଯିବା ପରେ ସେମାନେ ବାଟରୁ ଷଢେ଼ଇକଳା ଫେରିଯାଇଛନ୍ତି। ଶୋକାକୁଳ ପରିବେଶରେ ଆଜି ଅପରାହ୍ନରେ ବୈତରଣୀ କୂଳରେ ଦୁଃଖବନ୍ଧୁଙ୍କର ଅନ୍ତିମ ସଂସ୍କାର କରାଯାଇଛି।
Popular Categories
Previous article
Next article