ପାଟଣା: ସାହରପଡ଼ା ବ୍ଲକ ମୁଖ୍ୟାଳୟରେ ଥିବା ଅତିଥି ଭବନଟି ବେଶ୍ ସୁନ୍ଦର ଭାବେ କାରୁକାର୍ଯ୍ୟ ହୋଇଥିବାବେଳେ ବର୍ତ୍ତମାନ ତାହା ଜରାଜୀର୍ଣ୍ଣ ଅବସ୍ଥାରେ ପଡି ରହିଥିବା ଦେଖିବାକୁ ମିଳିଛି। ଯାହା ଅନୁମାନ କରାଯାଉଛି ଦୀର୍ଘ ବର୍ଷ ଧରି ସେହି ଅତିଥି ଭବନକୁ ଯିବା ଆସିବା ବନ୍ଦ ହୋଇଯାଇଛି। ଯାହା ଫଳରେ ତାହା ଏବେ ଜରାଜୀର୍ଣ୍ଣ ଅବସ୍ଥାରେ ପଡି ଅଲୋଡ଼ା ସାଜିଛି। ବ୍ଲକ କାର୍ଯ୍ୟାଳୟ ପରିସରରେ ଏହି ଅତିଥି ଭବନଟି ରହିଥିବାବେଳେ ଲକ୍ଷାଧିକ ଟଙ୍କା ଖର୍ଚ୍ଚରେ ନିର୍ମିତ ହୋଇଛି। ଏହାର ସଠିକ ରୂପେ ରକ୍ଷଣାବେକ୍ଷଣ ହେଉନଥିବାରୁ ଭବନଟି ବର୍ତ୍ତମାନ ଭୂତ କୋଠି ସଦୃଶ ଦେଖାଯାଉଛି। ତେବେ ଏପରି ଅବସ୍ଥାକୁ ଦେଖି ବର୍ତ୍ତମାନ ବୁଦ୍ଧିଜୀବୀ ମହଲରେ ପ୍ରଶ୍ନବାଚୀ ସୃଷ୍ଟି ହୋଇଛି ଯେ, ପ୍ରତ୍ୟେକ ଦିନ ସେହି ରାସ୍ତା ଦେଇ ସମସ୍ତ ବ୍ଲକର ପଦାଧିକାରୀ, କର୍ମଚାରୀ ଯିବା ଆସିବା କରୁଥିବାବେଳେ କାହାରି ଦୃଷ୍ଟି ପଡୁନାହିଁ କାହିଁକି?
Comments are closed.