ପ୍ୟାରିସ୍: ପ୍ୟାରିସ୍ରେ ଜଣେ ବ୍ୟକ୍ତି ଛୁରୀ ଆକ୍ରମଣ କରିବାରୁ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ହୋଇଛନ୍ତି । ଇସ୍ଲାମିକ୍ ଷ୍ଟେଟ୍ ଏହି ଆକ୍ରମଣ ପାଇଁ ନିଜକୁ ଦାୟୀ କରିଛି । ଆକ୍ରମଣକାରୀ ପୁଲିସ ଗୁଳିରେ ଜୀବନ ହରାଇଛି ।
୨୦୧୫ ମସିହା ପରଠାରୁ ପ୍ୟାରିସ୍ରେ ଆତଙ୍କବାଦୀ ଆକ୍ରମଣ ବୃଦ୍ଧି ପାଇବାରେ ଲାଗିଛି । ବିଭିନ୍ନ ଆତଙ୍କବାଦୀ ସଂଗଠନର ଆକ୍ରମଣରେ ୨୪୦ ଜଣରୁ ଅଧିକ ଲୋକ ପ୍ରାଣ ହରାଇଲେଣି । ଫ୍ରାନ୍ସ ଏପରି ଆକ୍ରମଣ ଯୋଗୁଁ ଭୟଭୀତ ନୁହେଁ , ଏପରି ସଂଗଠନମାନଙ୍କୁ ଛଡାଯିବ ନାହିଁ ବୋଲି ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ କହିଛନ୍ତି । ଏହି ଆକ୍ରମଣକାରୀ ଜଣଙ୍କ ଚେଚେନିୟାର ବୋଲି ଜଣା ପଡିଛି । ଏବେ ଏହି ଆକ୍ରମଣର ତଦନ୍ତ ଆରମ୍ଭ ହୋଇଛି ।