ପାପଡାହାଣ୍ଡି: ପାପଡାହାଣ୍ଡି ବ୍ଲକ ତୁମ୍ବର୍ଲା ଠାରେ ଚାଲିଥିବା ବାଲି ଯାତ୍ରା ଉଦଯାପିତ ହୋଇଯାଇଛି। ଏହି ଅବସରରେ ଗୁଡ଼ି ଘରୁ ବିହନ ଟୋକେଇ ଉଠା ହୋଇଥିଲା। ସମସ୍ତେ ବାଦ୍ୟ ଓ ନୃତ୍ୟର ତାଳେ ତାଳେ ବିହନ ଟୋକେଇ ଧରି ବାଲି ପଡିଆରେ ପହଞ୍ଚିଥିଲେ। ଏହାସହ ଅଞ୍ଚଳର ଗାଦୀ, ଲାଠି ଆଦିର ସମାଗମ ହୋଇଥିଲା। ଶୋଭାଯାତ୍ରାରେ ସ୍ଥାନୀୟ ଅଞ୍ଚଳର ହଜାର ହାଜର ଶ୍ରଦ୍ଧାଳୁ ସାମିଲ ହୋଇଥିଲେ। ବାଲି ପଡିଆରେ ପାରମ୍ପରିକ ରୀତିନୀତିରେ ପୂଜାର୍ଚ୍ଚନା କରାଯାଇଥିଲା। ରାତିରେ ସ୍ଥାନୀୟ ଲୋକଙ୍କ ମନୋରଞ୍ଜନ ଲାଗି ନୃତ୍ୟସଙ୍ଗୀତ କାର୍ଯ୍ୟକ୍ରମ ଆୟୋଜିତ ହୋଇଥିଲା।
ଉଦଯାପନ ଉତ୍ସବରେ ଡାବୁଗାଁ ବିଧାୟକ ମନୋହର ରନ୍ଧାରି ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଅନ୍ୟମାନଙ୍କ ମଧ୍ୟରେ ଜିଲା ପରିଷଦ ଅଧକ୍ଷ ମୋତିରାମ ନାୟକ, ବ୍ଲକ ଉପାଧକ୍ଷ ସୁଶାନ୍ତ କୁମାର ବେହେରା, ଜିଲା ପରିଷଦ ସଭ୍ୟ ୟଶବନ୍ତ ନାୟକ, ରାଜେନ୍ଦ୍ର କଚିମ, ଦିବ୍ୟାଦାନ କଚିମ, ଅକ୍ଷୟ ସାହୁ, ସଞ୍ଜୀବ ନାଗ ପ୍ରମୁଖ ଯୋଗ ଦେଇଥିଲେ।
