ପଲସାଗୋରା : ଭାରତ ସରକାରଙ୍କ କ୍ରୀଡ଼ା ଓ ଯୁବ ମନ୍ତ୍ରଣାଳୟ ଅଧୀନସ୍ଥ ନେହେରୁ ଯୁବ କେନ୍ଦ୍ର ବୌଦ୍ଧ ଆନୁକୂଲ୍ୟରେ କଣ୍ଟାମାଲ ବ୍ଲକ ପାଲସାଗୁରା ପଞ୍ଚାୟତ ଉଚ୍ଚ ମାଧ୍ୟମିକ ବିଦ୍ୟାଳୟରେ ଛାତ୍ରୀମାନଙ୍କୁ ନେଇ ବ୍ଲକସ୍ତରୀୟ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି।
ଏହି କାର୍ୟ୍ୟକ୍ରମରେ ମୁଖ୍ୟ ଅତିଥି ଭାବେ ମହାବିଦ୍ୟାଳୟର ଅଧ୍ୟକ୍ଷ ଦେବେନ୍ଦ୍ରନାରାୟଣ ପଣ୍ଡା , ସମ୍ମାନୀତ ଅତିଥି ଭାବେ ନେହରୁ ଯୁବ କେନ୍ଦ୍ର କର୍ମକର୍ତ୍ତା ଆସମାନ ମହାକୁଡ଼, ମୁଖ୍ୟଵକ୍ତା ଭାବରେ ବରିଷ୍ଠ ଅଧ୍ୟାପକ ବିଶେଶ୍ୱର ପାଣିଗ୍ରାହୀ ଯୋଗଦେଇ ଛାତ୍ରୀମାନଙ୍କୁ ଉଦବୋଧନ ଦେବା ସହ ଦିବସର ଆବଶ୍ୟକତା, ନାରୀଜୀବନର ସଂଘର୍ଷ କାହାଣୀ, ନାରୀ ସ୍ୱାଧୀନତା ଓ ନାରୀ ସଶକ୍ତିକରଣ ଉପରେ ବକ୍ତବ୍ୟ ରଖିଥିଲେ।
ଏହି କାର୍ୟ୍ୟକ୍ରମଅବସରରେ ଛାତ୍ରୀମାନଙ୍କୁ ନେଇ ଓମେନହିଟତୋ ଇଣ୍ଡିଆ ଫିଟ ନାମକ ଏକ ଗଣ ଦୌଡ଼ ପ୍ରତିଯୋଗିତା କରାଯାଇଥିଲା ଓ କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା। କାର୍ୟ୍ୟକ୍ରମରେ ଅଧ୍ୟାପିକା କବିତା ପୋଢ଼, ପିଙ୍କି ମେହେର ପ୍ରମୁଖ ମଞ୍ଚାସିନ ଥିଲେ। କାର୍ୟ୍ୟକ୍ରମକୁ କ୍ରୀଡ଼ା ଶିକ୍ଷକ ନାରାୟଣ ପ୍ରଧାନ ପରିଚାଳନା କରିଥିବା ବେଳେ କୈଳାସ ଚନ୍ଦ୍ର ବାରିକ ଧନ୍ୟବାଦ ଅର୍ପଣ କରିଥିଲେ।
