ମୁମ୍ବାଇ: ନଭେମ୍ବର ୬, ୨୦୨୨ ବଲିଉଡ଼ ପାଇଁ ଏକ ସ୍ମରଣୀୟ ଦିନ। ଗୋଟିଏ ପଟେ ଆଲିଆ ଭଟ୍ଟ ଓ ରଣବୀର କପୁର ମାଆ-ବାପା ହୋଇଥିବା ବେଳେ ଅନ୍ୟ ପଟେ ସଙ୍ଗୀତ ଜଗତର ଦୁଇ ଚର୍ଚ୍ଚିତ ଚେହେରା ପଲକ ମୁଚ୍ଛଲ ଓ ମିଥୁନ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ପଲକ ଓ ମିଥୁନ ଦୀର୍ଘଦିନ ଧରି ପ୍ରେମ ସମ୍ପର୍କରେ ଥିଲେ। ପ୍ରଶଂସକ ଏହି ପ୍ରେମପକ୍ଷୀଙ୍କ ବିବାହ ଅପେକ୍ଷାରେ ଥିଲେ, ଆଉ ସେହି ଅପେକ୍ଷାର ଅନ୍ତ ଘଟାଇ ଦୁହେଁ ଏବେ ଦୁଇରୁ ଏକ ହୋଇଯାଇଛନ୍ତି। ବର-ବଧୂ ରୂପରେ ମିଥୁନ୍ ଓ ପଲକ ଖୁବ୍ ସୁନ୍ଦର ଦେଖାଯାଉଛନ୍ତି। ପଲକ ମୁଚ୍ଛଲ ଇନ୍ଷ୍ଟାଗ୍ରାମରେ ବିବାହର କିଛି ଫଟୋ ଶେୟାର କରିଛନ୍ତି, ଯାହା ପ୍ରଶଂସକଙ୍କ ହୃଦୟ ଜିତିଛି। ସାଧରଣ ଲୋକଙ୍କଠାରୁ ସେଲିବ୍ରିଟି ପର୍ଯ୍ୟନ୍ତ ସମସ୍ତେ ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି।
ବାହାଘର ଫଟୋ ଶେୟାର କରି ପଲକ ଲେଖିଛନ୍ତି, ‘‘ଆଜି ଆମେ ଦୁହେଁ ଚୀରଦିନ ପାଇଁ ଏକ ହୋଇଗଲୁ’’। ଫଟୋରେ ଉଭୟ ହସୁଥିବା ନଜର ଆସିଛନ୍ତି। ବିବାହ ପରେ ପଲକ ଓ ମିଥୁନ ମୁମ୍ବାଇରେ ବଡ଼ ରିସେପ୍ସନ ପାର୍ଟିର ଆୟୋଜନ କରିଛନ୍ତି। ଏଥିରେ ସଙ୍ଗୀତ ଜଗତର ତାରକାଙ୍କ ସମେତ ବଲିଉଡ଼ ଓ ଟିଭିର ଅନେକ କଳାକାରଙ୍କୁ ନିମନ୍ତ୍ରଣ କରିଛନ୍ତି।
Comments are closed.