ପାଇକରାପୁର ଦୁଇ ଗୋଷ୍ଠି ଗଣ୍ଡଗୋଳ ଘଟଣାରେ ୬ଗିରଫ

ଚୌଦ୍ୱାର : ଚୌଦ୍ୱାର ଥାନା ଟିପିଏମ ଫାଣ୍ଡୀ ଅନ୍ତର୍ଗତ ପାଇକରାପୁର ଗ୍ରାମରେ ବୁଧବାର ଘଟିଥିବା ଗୋଷ୍ଠି ସଂଘର୍ଷରେ ଚୌଦ୍ୱାର ପୁଲିସ ୬ଜଣକୁ ଗିରଫ କରି କୋର୍ଟଚାଲଣ କରିଛି । ପାଇକରାପୁର ଉପରସାହିର ସୌମ୍ୟ ନାୟକ(୩୦), ଆନନ୍ଦ ଚନ୍ଦ୍ର ବରାଳ(୪୩), ପ୍ରଭାତ କୁମାର ସ୍ୱାଇଁ(୩୯) ଓ ତଳସାହିର ସୁର୍ଯ୍ୟକାନ୍ତ ଜେନା(୨୩), ପ୍ରକାଶ କୁମାର ସ୍ୱାଇଁ(୨୮), ରଞ୍ଜନ ଭୁୟାଁ (୧୮) ।

ପୁଲିସ ସୁଚନା ଅନୁଯାୟୀ ବୁଧବାର ଅପରାହ୍ନରେ ଗ୍ରାମର ଉପରସାହି କାର୍ତ୍ତିକେଶ୍ୱର ଠାକୁରଙ୍କ ଭଷାଣି ପାଇଁ ଗ୍ରାମ ପରିକ୍ରମା କରୁଥିଲେ ସାହିପିଲା । ମେଢ ସେହି ଗ୍ରାମର ତଳସାହିରେ ପହଂଚିବା ପରେ କୌଣସି କାରଣକୁ ନେଇ ତଳସାହି ଓ ଉପରସାହି ମଧ୍ୟରେ ଆରମ୍ଭ ହୋଇଥିଲା ମାଡପିଟ । ଏଥିରେ ଉଭୟ ସାହିର ୩ଜଣ ଆହତ ହୋଇଥିଲେ । ପୁଲିସ ଘଟଣାସ୍ଥଳରେ ପହଞ୍ଚି ଆହତ ମାନଙ୍କୁ ଚିକିତ୍ସା କରାଇବା ପାଇଁ ଟାଙ୍ଗୀ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ପଠାଇ ଉଭୟ ପକ୍ଷରୁ ୧୫ଜଣକୁ ଥାନାକୁ ଆଣି ପଚରାଉଚରା ଜାରୀ ରଖିିଥିଲା। ପୁର୍ବ ଶତୃତାକୁ ନେଇ ଏହି ଗଣ୍ଡଗୋଳ ହୋଇଥିବା ପୁଲିସ କହିଛି।