ମୁମ୍ବଇ : ଏକାଧିକ ଲୋକପ୍ରିୟ କଳାକାରଙ୍କ ଅଭିନୀତ ଆଗାମୀ ହାସ୍ୟ ରସାତ୍ମକ ଚଳଚ୍ଚିତ୍ର ‘ପାଗଲପନ୍ତି’ର ଟ୍ରେଲର ମଙ୍ଗଳବାର ରିଲିଜ୍ ହୋଇଛି। ଚଳଚ୍ଚିତ୍ରରେ ଅନୀଲ କପୁର, ଜନ୍ ଆବ୍ରାହମ୍, ଇଲିଆନା ଡିକ୍ରୁଜ୍, ଅରଶଦ ୱାରସୀ, ପୁଲକିତ ସମ୍ରାଟ, କୃତି ଖରବନ୍ଦା, ଉର୍ବଶୀ ରାଉତେଲା ଓ ସୌରଭ ଶୁକ୍ଲା ପ୍ରମୁଖ କଳାକାର ଅଭିନୟ କରିଛନ୍ତି। ଏହା ୨୨ ନଭେମ୍ବରରେ ପରଦାକୁ ଆସିବ। ଅନୀସ ବଜ୍ମୀଙ୍କ ନିର୍ଦ୍ଦେଶନାରେ ନିର୍ମିତ ‘ପାଗଲପନ୍ତି’ର ଟ୍ରେଲର ଦେଖି ଜଣାପଡ଼ୁଛି ଯେ, ଚଳଚ୍ଚିତ୍ରରେ ମନୋରଞ୍ଜନର ଜବରଦସ୍ତ ଖୋରାକ ଭରି ରହିଛି। ପୂର୍ବରୁ ଚଳଚ୍ଚିତ୍ରର ଲୁକ୍ ପୋଷ୍ଟର ମଧ୍ୟ ସାମ୍ନାକୁ ଆସିଥିଲା। ‘ପାଗଲପନ୍ତି’ର ଟ୍ରେଲର ସମ୍ପୂର୍ଣ୍ଣ ରୂପେ ନିଜ ଟାଇଟଲ୍କୁ ଯଥାର୍ଥତା ଦେଇଛି। ଟ୍ରେଲର ଦେଖି ଚଳଚ୍ଚିତ୍ରକୁ ନେଇ ଦର୍ଶକଙ୍କ ଉତ୍କଣ୍ଠା ବୃଦ୍ଧି ପାଉଥିବା ଜଣାପଡ଼ିଛି। ସାମାଜିକ ଗଣମାଧ୍ୟମରେ ଏହି ଟ୍ରେଲରକୁ ବହୁତ ଭଲ ପ୍ରତିକ୍ରିୟା ମିଳୁଛି।
Popular Categories
Previous article
Next article