ପଦ୍ମପୁର: ବିଦାୟ ନେଇଛନ୍ତି ଧନଧାତ୍ରୀ ମା’ ଗଜଲକ୍ଷ୍ମୀ, ଦିନ କେଇଟାରେ ଧରାବତରଣ କରିବେ ମା’ ଶ୍ୟାାମକାଳୀ। ମା’ ଶ୍ୟାମାକାଳୀଙ୍କ ଆଗମନକୁ ସ୍ୱାଗତ କରିବାକୁ ତତ୍ପର ହୋଇଉଠିଛି ପୁରପଲ୍ଲୀ। ଆଉ ସେଥିରୁ ବାଦ ପଡ଼ିନି ରାୟଗଡ଼ା ଜିଲ୍ଲା ପଦ୍ମପୁର ସହର। ରାୟଗଡ଼ା ଜିଲ୍ଲାର ପଦ୍ମପୁର ସହର ବ୍ଲକ କଲୋନୀଠାରେ ମା’ ଶ୍ୟାମାକାଳୀଙ୍କ ପୂଜା ପାଇଁ ପ୍ରସ୍ତୁତି ଜୋରସୋରରେ ଚାଲିଛି। ଏଠାରେ ଦୀର୍ଘ ବର୍ଷ ହେବ ମା’ ଶ୍ୟାମାକାଳୀଙ୍କ ପୂଜା ରୀତିନୀତି ଅନୁସାରେ ପାଳନ ହୋଇଆସୁଛି। ଯୁଗ ବଦଳିବା ସହିତ ସମୟକୁ ତାଳ ଦେଇ ପୂଜା ମଣ୍ଡପ ସଜାଇ ହୋଇ ଆସୁଛି। ଏଠାରେ ଆକର୍ଷଣୀୟ ତୋରଣ ନିର୍ମାଣ ଚାଲିଛି। ସୁଦୂର ନୟାଗଡ଼ର କାରୀଗରମାନେ ଆସି ତୋରଣ ତିଆରି କାମରେ ଲାଗି ପଡିଛନ୍ତି। ଯାଜପୁର ଅଞ୍ଚଳର ମୂର୍ତ୍ତି କାରୀଗର ତାଙ୍କ ସହଯୋଗୀମାନଙ୍କ ସହିତ ମୂର୍ତ୍ତିମାନଙ୍କୁ ଜୀବନ୍ତ ରୂପ ଦେବା କାମରେ ନିୟୋଜିତ ଅଛନ୍ତି। ଆସନ୍ତା ୧୦ ତାରିଖରେ ପୂଜା ଆଡ଼ମ୍ବର ସହକାରେ ପୂଜା ଆରମ୍ଭ ହେବାକୁ ଯାଉଥିବା ବେଳେ ଏହି ପୂଜା ପଦ୍ମପୁର ସହରରେ ୫ ଦିନବ୍ୟାପୀ ମହାଡ଼ମ୍ବରରେ ପାଳନ ହେବାକୁ ଥିବାବେଳେ ଏ ବର୍ଷର ମୁଖ୍ୟ ଆକର୍ଷଣ ହେବ ସୁନ୍ଦର ତୋରଣ, ଆଲୋକ ସଜା ସାଙ୍ଗକୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଓ ମୀନାବଜାର। ବାଣିଜ୍ୟ ସମ୍ପନ୍ନ ସହର ପଦ୍ମପୁରରେ ଚଳିତ ବର୍ଷର କାଳୀପୂଜାକୁ ଅଧିକ ଆକର୍ଷଣୀୟ ଓ ଲୋକାଭିମୁଖୀ କରାଯିବ ବୋଲି ପୂଜା କମିଟିର କର୍ମକର୍ତ୍ତାମାନେ ନିଷ୍ପତ୍ତି ନେଇଛନ୍ତି।
Popular Categories
Previous article
Next article