ନୂଆଦିଲ୍ଲୀ : ଓପୋର ନୂଆ ସ୍ମାର୍ଟଫୋନ ‘ଓପୋ ଏଫ-୧୧ ପ୍ରୋ’ ମାର୍ଚ୍ଚ ୫ରେ ଲଞ୍ଚ ହେବ। କମ୍ପାନୀ ଫୋନର ଲଞ୍ଚିଙ୍ଗ ଇଭେଣ୍ଟ ପାଇଁ ମିଡିଆ ଇନଭିଟେସନ ମଧ୍ୟ ପଠାଇବା ଆରମ୍ଭ କରିସାରିଛି। ଏହି ଫୋନର ବିଶେଷତ୍ୱ ବିଷୟରେ କହିଲେ ଏଥିରେ ୪୮ମେଗାପିକ୍ସେଲର ରିୟର କ୍ୟାମେରା ପାଇପାରିବେ। ସୂଚନା ଅନୁସାରେ କମ୍ପାନୀ ଏ ନେଇ ମୁମ୍ବଇରେ ଏକ ସାମ୍ବାଦିକ ସମ୍ମିଳନୀର ଆୟୋଜନ ମଧ୍ୟ କରିବ।
‘ଓପୋ ଏଫ-୧୧ପ୍ରୋ’ର ବିଶେଷତ୍ୱ
ଏମିତିରେ ଏହି ଫୋନର ବିଶେଷତ୍ୱ ବାବଦରେ କୌଣସି ସଠିକ୍ ସୂଚନା ଦିଆଯାଇନାହିଁ। ମାତ୍ର ଏପର୍ଯ୍ୟନ୍ତ ଲିକ୍ ହୋଇଥିବା ଖବର ଅନୁସାରେ ଏହାର କ୍ୟ।।ମେରାରେ ଲୋ ଲାଇଟ୍ ପୋଟ୍ରେଟ ମୋଡକୁ ଆଗଠାରୁ ଭଲ କରାଯାଇଛି। ଏହା ସହିତ ଏହାର ରିୟର ପ୍ୟାନେଲ ଉପରେ ଏଲଇଡି ଫ୍ଲାସ୍ ସହିତ ୪୮ମେଗାପିକ୍ସେଲର ରିୟର କ୍ୟାମେରା ମିଳିବ। ଏହା ସହିତ କ୍ୟାମେରା ଉପରେ ଆର୍ଟିଫିସିଆଲ ଇଣ୍ଟେଲିଜେନ୍ସର ସପୋର୍ଟ ମଧ୍ୟ ପାଇପାରିବେ।
ସେହିଭଳି ଏହାର ରିୟର ପ୍ୟାନେଲରେ ୫ ମେଗାପିକ୍ସେଲର ଦ୍ୱିତୀୟ କ୍ୟାମେରା ମିଳିବ। ଏହାର ଆଗପଟ କ୍ୟାମେରା ବିଷୟରେ ଏପର୍ଯ୍ୟନ୍ତ କୌଣସି ସୂଚନା ଦିଆଯାଇନାହିଁ। କମ୍ପାନୀର କହିବା ଅନୁସାରେ ଏହି ଫୋନଟିକୁ ସୁପର ନାଇଟ ମୋଡ ସହିତ ଲଞ୍ଚ କରାଯିବ। ଏହା ସହିତ ଏହାର କ୍ୟାମେରାରେ ଇମେଜ୍ ଷ୍ଟାବଲାରଇଜେସନ ମିଳିବ ଏବଂ ଫୋନରେ ଭିଓଓସି ୩.୦ଫାଷ୍ଟ ଚାର୍ଜିଙ୍ଗ ମଧ୍ୟ ମିଳିବ ଏବଂ ରିୟରରେ ଟିପଚିହ୍ନ ସେନସର ମଧ୍ୟ ପାଇପାରିବେ।
