ମୟୂରଭଞ୍ଜ: ଶିମିଳିପାଳ ଅଭୟରଣ୍ୟରେ ମାଫିଆଙ୍କ କବଜାରେ ରହିଛି । ଅଭୟାରଣ୍ୟର ଏକର ଏକର ସ୍ଥାନରେ ଅଫିମ ଚାଷ ହେଉଛି । ରବିବାର ମୟୂରଭଞ୍ଜ ପୁଲିସ ଏବଂ ଅବକାରୀ ବିଭାଗର ବଡ ଧରଣର ଚଢାଉରେ ଜବତ ହୋଇଛି କୋଟି କୋଟି ଟଙ୍କାର ଅଫିମ । ପ୍ରାକୃତିକ ସୌନ୍ଦର୍ଯ୍ୟରେ ଭରା ଶିମିଳିପାଳରେ ବ୍ୟାଘ୍ର ସଂରକ୍ଷଣ ପ୍ରକଳ୍ପ ମଧ୍ୟ ରହିଛି । ଅଭୟାରଣ୍ୟ ବୁଲିବାକୁ ବହୁ ପର୍ଯ୍ୟଟକ ରାଜ୍ୟ ତଥା ଦେଶରୁ ଆସୁଥିବା ବେଳେ ଏଠାରେ ଅଫିମ ଚାଷ କରାଯାଉଛି । ଯଶୀପୁର ପୁଲିସ ଏବଂ ଅବକାରୀ ବିଭାଗ ଚଢାଉ କରି ଅଫିମ ଜବତ କରିଛି । ପୁଲିସ ଓ ଅବକାରୀ ବିଭାଗ କରଞ୍ଜିଆ ଏସଡ଼ିପିଓଙ୍କ ନେତୃତ୍ୱରେ ଯଶୀପୁର ପୁଲିସ, ଅବକାରୀ ବିଭାଗ ଓ ବନ ବିଭାଗ ମିଳିତ ଚଢାଉ କରି ଅଫିମ ସବୁ ନଷ୍ଟ କରିଥିଲେ । ବକୁଆ ଏବଂ କୁକୁରଭୁକା ଗାଆଁରେ ଚାଷ ହୋଇଥିବା ୫ଲକ୍ଷ ୨୫ ହଜାର ଅଫିମ ଗଛ ନଷ୍ଟ କରିଛି ପୁଲିସ । ନଷ୍ଟ କରାଯାଇଥିବା ଅଫିମ ଗଛର ଆନୁମାନିକ ମୂଲ୍ୟ ୧୦କୋଟି ୬୬ଲକ୍ଷ ହେବ ବୋଲି ପ୍ରେସ ରିଲିଜରେ ପୁଲିସ କହିଛି ।
Comments are closed.