ଟୋକିଓ ..- ଜାପାନର ୧୧୬ ବର୍ଷୀୟା ମହିଳା ବିସ୍ୱର ସବୁଠାରୁ ବୟସ୍କ ଜୀବିତ ବ୍ୟକ୍ତି । ତାନାକା ନାମକ ମହିଳା ନିଜ ପିତା ମାତାଙ୍କର ସପ୍ତମ ସନ୍ତାନ । ୧୯୦୩ ମସିହା ଜାନୁଆରୀ ୨ ରେ ସେ ଜନ୍ମ ଗ୍ରହଣ କରିଥିଲେ । ୧୯୨୨ ମସିହାରେ ତାଙ୍କର ବିବାହ ହୋଇଥିଲା । ତାନକାଙ୍କର ୪ ଜଣ ସନ୍ତାନ ସନ୍ତତି ଥିବା ବେଳେ ଆଉ ଜଣଙ୍କୁ ପୋଷ୍ୟ ଭାବେ ଗ୍ରହଣ କରିଥିଲେ ।
ତାନକାଙ୍କୁ ପୂର୍ବରୁ କର୍କଟ (କ୍ୟାନସର) ସହ ଅଧିକ କୋଲେଷ୍ଟରଲ ରହିଥିବାରୁ ଦେହ ଖରାପ ହୋଇଥିଲା । ମାତ୍ର ସେ ଏଥିରୁଭଲ ହେବା ସହ ଦୀର୍ଘ ବର୍ଷ ଧରି ଜୀବିତ ଅଛନ୍ତି । ଶାନ୍ତି ଓ ସରଳ ଭାବେ ଜୀବନ ଯାପନ କରିବା ଯୋଗୁଁ ସେ ଦୀର୍ଘାୟୁ ହୋଇଥିବା ପ୍ରକାଶ କରିଛନ୍ତି ।
ଗିନିଜ୍ବୁକ୍ ଅଫ୍ ଓ୍ୱାର୍ଲ୍ଡ ରେକର୍ଡ ପକ୍ଷରୁ ତାଙ୍କୁ ପ୍ରମାଣ ପତ୍ର ଦିଆଯାଇଛି । ତାନାକା ଏବେ ଜାପାନର ଫୁକୁଓକାରେ ରହୁଛନ୍ତି ।
ତାନାକା ସକାଳ ୬ଟାରେ ଉଠିବା ପରେ ନିଜର ନିତ୍ୟକର୍ମ ସାରିବା ପରେ ଗଣିତ କରିଥାଆନ୍ତି । ପୂର୍ବରୁ ଆଉଜଣେ ଜାପାନୀ ମହିଳା ମିୟାକୋ ବିଶ୍ୱର ସବୁଠାରୁ ବୟସ୍କ ଜୀବିତ ବ୍ୟକ୍ତି ଥିଲେ । ମାତ୍ର ଗତ ବର୍ଷ ଜୁଲାଇ ମାସରେ ୧୧୭ ବର୍ଷରେ ତାଙ୍କର ମୃତ୍ୟୁ ହୋଇଥିଲା ।
