ତିଗିରିଆ : ତିଗିରିଆ ଥାନା ଅନ୍ତର୍ଗତ ବଡ଼ନାଉପୁଟ ପଞ୍ଚାୟତର ବଉଳାଙ୍ଗ ଗ୍ରାମର ଜଣେ ବୃଦ୍ଧା ଶୌଚ ହେବାଲାଗି ମହାନଦୀକୁ ଯାଇ ପାଣିରେ ବୁଡ଼ି ପ୍ରାଣ ହରାଇଥିବା ଜଣାପଡ଼ିଛି । ଏନେଇ ଥାନାରେ ଏକ ଅପମୃତ୍ୟୁ ମାମଲା ହେବା ସହିତ ପୁଲିସ ଶବ ଜବତ କରି ବ୍ୟବଛେଦ କରାଇଛି । ବଉଳାଙ୍ଗ ଗ୍ରାମର ସ୍ୱର୍ଗତ ସତ୍ୟାନନ୍ଦ ମହାନ୍ତିଙ୍କ ପତ୍ନୀ ଦୁଃଖି ବେୱା (୮୦) ଗୁରୁବାର ଭୋର ସମୟରେ ଗାଁକୁ ଲାଗିଥିବା ବନ୍ଧବାଡ଼ ତଳକୁ ଓହ୍ଲାଇ ମହାନଦୀକୁ ଶୌଚ ହେବାକୁ ଯାଇଥିଲେ।ତେବେ ଫେରିବାରେ ବିଳମ୍ବ ହେବାରୁ ପରିବାର ଲୋକେ ବହୁ ଖୋଜା ଖୋଜି କରିଥିଲେ । ପରେ ନଦୀକୁ ଯାଇଥିବା ସନ୍ଦେହ କରି ମହାନଦୀକୁ ଯାଇ ଖୋଜା ଖୋଜି କରିବାରେ ବୃଦ୍ଧା ଜଣଙ୍କ ପାଣିରେ ଭାସୁଥିବା ଦେଖିବାକୁ ପାଇଥିଲେ। ପରିବାର ଲୋକେ ଶବକୁ ଉଦ୍ଧାର କରିଥିଲେ। ଏନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ଥାନା ଅଧିକାରୀ ସୁଚିତ୍ରା ଜେନା କହିଛନ୍ତି।
Comments are closed.