ଚାନ୍ଦିପୁଟ – ଘାଟୀର ଅଙ୍କାବଙ୍କା ରାସ୍ତାରେ ଭାରସାମ୍ୟ ହରାଇ ଖସିପଡିଲା ଯାତ୍ରୀବାହୀ ବସ୍ । ଗଜପତି ଗଞ୍ଜାମ ସୀମାନ୍ତ ଆର ଉଦୟଗିରି ଥାନା ଅନ୍ତର୍ଗତ କାନକଟା ପଥର କାନ୍ଥି ତଳେ ଏଭଳି ଦୁର୍ଘଟଣା ଘଟିଛି । ହେଲେ ସୌଭାଗ୍ୟ ବଶତଃ ବସରେ ବସିଥିବା କୌଣସି ଯାତ୍ରୀମାନଙ୍କ ବିଶେଷ କିଛି କ୍ଷୟକ୍ଷତି ହୋଇନଥିବା ଜଣାପଡିଛି।
ରାୟଗଡ଼ାରୁ ମହେନ୍ଦ୍ରଗଡ ଦେଇ ଗଞ୍ଜାମ ଜରଡା ଅଭିମୁଖେ ରଘୁନାଥ ନାମକ ଘରୋଇ ବସ୍ ଟି ୨୫ରୁ ଅଧିକ ଯାତ୍ରୀଙ୍କୁ ନେଇ ଯାଉଥିଲା । ବର୍ଷା ଯୋଗୁଁ ଘାଟିୀ ରେ ବ୍ରେକ ଫେଲ ହୋଇଯାଇଥିଲା । ଫଳରେ କନକଟା ନିକଟସ୍ଥ ଘାଟୀ ରେ ଥିବା ପଥର କାନ୍ଥି ତଳେ ଭାରସାମ୍ୟ ହରାଇ ରାସ୍ତା ତଳକୁ ଖସିପଡିଥିଲା ।
ଚାଳକଙ୍କ ଉପସ୍ଥିତ ବୁଦ୍ଧି ଯୋଗୁଁ ଯାତ୍ରୀମାନେ ଏକ ବଡ ଧରଣର ଦୁର୍ଘଟଣା ରୁ ବର୍ତିଯାଇଛନ୍ତି ବୋଲି କୁହାଯାଉଛି । ଦୁର୍ଘଟଣା ପରେ ଯାତ୍ରୀମାନଙ୍କୁ ସ୍ଥାନୀୟ ଲୋକେ ଉଦ୍ଧାର କରିଥିଲେ । ଏବଂ ପରେ କିଛି ଅଟୋରିକ୍ସା ରେ ନିଜ ନିଜ ଗନ୍ତବ୍ୟ ସ୍ଥଳକୁ ଫେରିଥିଲେ । ଏହା ପୁର୍ବରୁ ଏହି ଘାଟୀର ସମାନ ସ୍ଥାନ ରେ ଅନେକ ଗାଡ଼ି ଦୁର୍ଘଟଣା ଗ୍ରସ୍ତ ହେଉଥିବା ବେଳେ ଅନେକଙ୍କ ପ୍ରାଣ ବି ଯାଇଛି । ଅଣ ଓସାରିଆ ରାସ୍ତା କୁ ସୁଧାରିବା ପାଇଁ ଜନସାଧାରଣରେ ଦାବୀ ହେଉଛି । ଅପରପକ୍ଷରେ ଦୁର୍ଘଟଣା ପ୍ରବଣ ଅଞ୍ଚଳ ହୋଇଥିବାରୁ ସେଠାରେ ଦେବୀଙ୍କୁ ପୂଜା ଅର୍ଚ୍ଚନା କରିବା ଆରମ୍ଭ କରିଛନ୍ତି ସ୍ଥାନୀୟ ଅଞ୍ଚଳବାସୀ।
