ଗଞ୍ଜାମ : ଜାତୀୟ ରାଜପଥ ହୁମା ଓ ଗଞ୍ଜାମ ମଧ୍ଯସ୍ତ ଦଶଟୁଙ୍ଗି ନିକଟରେ ମଙ୍ଗଳବାର ପୂର୍ବାହ୍ନରେ ସିରିଜ ଦୁର୍ଘଟଣା ଘଟିଥିଲା । ରାସ୍ତାରେ ଏକ ଗାଈ ପାସ ହେବାବେଳେ ଟ୍ରକ ଡ୍ରାଇଭର ଗାଡିର ବେଗ କମାଇବା ପରେ ପଛରେ ଆସୁଥିବା ପିକଅପ ଗାଡି ଟ୍ରକ ପଛକୁ ଧକ୍କା ଦେଇଥିଲା । ତାପରେ ପଛରୁ ଆସୁଥିବା ଟ୍ରକ ପିକଅପକୁ ଧକ୍କା ଦେଇଥିଲା ଏବଂ ଟ୍ରକ ପଛରେ ଆସୁଥିବା ଖମ୍ବେଶ୍ବରୀ ବସ ମଧ୍ୟ ଟ୍ରକର ପଛକୁ ପିଟି ହୋଇଯାଇଥିଲା। ଏହି ସମସ୍ତ ଗାଡି ଭୁବନେଶ୍ୱର ଅଭିମୁଖେ ଯାଉଥିଲେ । ଏହି ସିରିଜ ଦୁର୍ଘଟଣାରେ ବସ ଡ୍ରାଇଭର ଗୁରୁତର ଥିବା ବେଳେ ଗାଡିର ଅନ୍ୟ ଦୁଇରୁ ତିନି ଜଣ ସାମାନ୍ୟ ଆହତ ହୋଇଛନ୍ତି । ଡ୍ରାଇଭରଙ୍କ ଗୋଡ଼ ଭାଙ୍ଗି ଯାଇଥିବା ଜଣା ପଡିଛି । ଡ୍ରାଇଭରଙ୍କୁ ଅନେକ ଅନେକ ସମୟର ପ୍ରଚେଷ୍ଟା ପରେ ଗାଡିରୁ ବାହାର କରାଯାଇଥିଲା । ପରେ ତାଙ୍କୁ ମେଡିକାଲ ପଠାଯାଇଥିଲା । ଖବର ପାଇ ହୁମା ଫାଣ୍ଡି ପୋଲିସ ପହଂଚି ତଦନ୍ତ କରିଛି । ଅଗ୍ନିଶମ ଗାଡି ମଧ୍ୟ ଘଟଣାସ୍ଥଳରେ ପହଂଚି ସ୍ଥାନୀୟ ଅଞ୍ଚଳର ପ୍ରଶାନ୍ତ ଛଟେଇ, ଶିବ ପ୍ରଧାନ, ବିଦ୍ୟା ସ୍ୱାଇଁଙ୍କ ସହ ମିଶି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ଏହି ସିରିଜ ଦୃଘଟଣା ପରେ ରାସ୍ତା ଯାତାୟାତ ବାଧାପ୍ରାପ୍ତ ହୋଇଥିଲା । ପ୍ରକାଶ ଥାଉକି ବ୍ରହ୍ମପୁରଠାରୁ ରମ୍ଭା ପର୍ଯ୍ୟନ୍ତ ଜାତୀୟ ରାଜପଥରେ ଅବାଧରେ ବୁଲା ଗାଈ ଗୋରୁଙ୍କ ପାଦୁର୍ଭାବ ଯୋଗୁଁ ଦୈନଦିନ ଛୋଟବଡ଼ ଦୁର୍ଘଟଣା ଘଟୁଛି ।
Popular Categories
Previous article
Next article