ପାଟଣା : ପାଟଣା ବଜାର ମଧ୍ୟରେ ଥିବା ବିଦେଶୀ ମଦ ଦୋକାନରୁ ଗତକାଲି ବିଳମ୍ବିତ ରାତିରେ ଚୋରି ହୋଇଛି। ଆଜି ସକାଳେ ଅଳିଆ ସଫା କରୁଥିବା ଜଣେ ଯୁବକ ଏହା ଦେଖି ସଙ୍ଗେ ସଙ୍ଗେ ଦୋକାନ ମାଲିକ ରଞ୍ଜନ କୁମାର ସାହୁଙ୍କୁ ଖବର ଦେଇଥିଲେ। ଖବର ପାଇ ଦୋକାନ ମାଲିକ ଶ୍ରୀ ସାହୁ ସେଠାରେ ପହଞ୍ଚି ଦୋକାନ ଘରର ଅବସ୍ଥା ଦେଖି ପାଟଣା ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଅନୁସାରେ ମଦ ଦୋକାନରୁ ୩ ଟି ଦାମୀ କ୍ୟୁୱାର୍ଡ଼ ବୋତଲ ସହିତ ନଗଦ ୫୪ହଜାର ଟଙ୍କା ଚୋର ମାନେ ଚୋରି କରିଛନ୍ତି। ଦୋକାନ ପଛ ପଟ ଟିଣ କର୍କଟ ତାଡି ଚୋର ଭିତରେ ପଶିଥିବା ଜଣାପଡିଛି । ଅଭିଯୋଗ ପାଇବା ପରେ ପାଟଣା ଥାନା ଅଧିକାରୀ ମାନସ କୁମାର ମହାକୁଳ ଓ ଏଏସଆଇ ସରୋଜ କୁମାର ସେଠୀ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି। ପାଟଣା ଥାନା ମାମଲା ସଂଖ୍ୟା ୧୩୩/୨୦୨୫ ମୂଳେ ଏକ ଚୋରି ମାମଲା ରୁଜୁ ହୋଇଛି।
Popular Categories
Previous article
Next article