ଟିଟିଲାଗଡ଼: ଦେଶ ବର୍ତ୍ତମାନ ପ୍ରଗତି ଆଡକୁ ଗତି କରୁଛି। ଦେଶ ଏବେ ସଂଗଠିତ ହେବା ସହ ବିକାଶ କାର୍ଯ୍ୟ ଜୋରଦାର ହୋଇଛି। ଆଜିର ଦିବସରେ ଆମ ପାଇଁ ନିଜ ଜୀବନକୁ ଆହୁତି ଦେଇଥିବା ମନୀଷୀଙ୍କ ଆଦର୍ଶରେ ଅନୁପ୍ରାଣିତ ହେବା ବୋଲି ଟିଟିଲାଗଡ଼ ଉପଖଣ୍ଡ ସ୍ତରୀୟ ୭୫ତମ ସାଧାରଣତନ୍ତ୍ର ଦିବସ ପାଳନ ଅବସରରେ ସ୍ଥାନୀୟ ବାଳକ ହାଇସ୍କୁଲ ପଡିଆ ଠାରେ ଅନୁଷ୍ଠିତ ଉତ୍ସବ ଅବସରରେ ମୁଖ୍ୟଅତିଥି ଭାବରେ ଟିଟିଲାଗଡ଼ ଉପଜିଲ୍ଲାପାଳ ଦୟାମୟ ପାଢ଼ୀ ଜାତୀୟ ପତକା ଉତ୍ତୋଳନ ସହ ନିଜ ବାର୍ତ୍ତାରେ କହିଛନ୍ତି। ଏସ୍ଡ଼ିପିଓ ଅଙ୍କିତା କୁମ୍ଭାର, ଫିଲଡ଼ କମାଣ୍ଡର ଈପସିତା ଦାଶଙ୍କ ଗହଣରେ ପରେଡ ପରିଦର୍ଶନ ସହ ଅଭିବାଦନ ଗ୍ରହଣ କରିଥିଲେ। ପରେ ଉପଖଣ୍ଡ ସ୍ତରରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାରେ କୃତି ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ। ଉପଜିଲ୍ଲାପାଳଙ୍କ ଧର୍ମ ପତ୍ନୀ ପ୍ରୀତିରେଖା ସାହୁ, ତହସିଲଦାର ସରୋଜା ବେହେରା, ଡେପୁଟି ଜିଲାପାଳ ଅଭିନାଶ ଲାକ୍ରା, ସୁଭାଶିଷ ଶତପଥୀ, ସହାୟକ ଜିଲାପାଳ ଚନ୍ଦ୍ର ପ୍ରକାଶ ଦେହୁରୀ, ଏଡିଡବ୍ଲୁଓ ଆକାଶ ପଣ୍ଡା, ଏସିଏସଓ ଶଙ୍କର୍ଷଣ ଭୋଇ, ଏସଡିପିଆରଓ ରାଜେନ୍ଦ୍ର ମାଝୀ, ଆଇଆଇସି ମନୋଜ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ଚିନ୍ତାମଣି ମହାପାତ୍ର, ରାଜୁ ମିଶ୍ର, ଅଲେଖ ଦଳବେହେରା, ତ୍ରିନାଥ ସରାଫ, ପ୍ରେମ ଜୈନ, ଡ଼ଃ , ପ୍ରମୋଦ ପାଳ ପ୍ରମୁଖ ସହାୟତା କରିଥିଲେ। ମିଳିତ ପ୍ୟାରେଡରେ ଭୋଟର ସଚେତନତା ରଥ ମଧ୍ୟ ସାମିଲ ହୋଇଥିଲା। ଲାୟନ୍ସ କ୍ଳବ ସଭାପତି ସନ୍ତୋଷ ମହାନ୍ତି, ସମ୍ପାଦକ ଅଜିତ ପାତ୍ର, ଅଜୟ ବର୍ମା, ପଙ୍କଜ ନାମଦେବ, ବେଦବର ରଣା ପ୍ରମୁଖ ଉପସ୍ଥିତ ଥିଲେ।
Comments are closed.