ବୌଦ୍ଧ: ବୌଦ୍ଧ ଜିଲ୍ଲା ବୌଦ୍ଧ ବ୍ଲକ ନୂତନ ପେନସନ ଯୋଜନା ଭୁକ୍ତ ମିଳିତ ପ୍ରାଥମିକ ଶିକ୍ଷକ ମହାସଂଘ ବୌଦ୍ଧ ବ୍ଲକ ସହରର ଟାଉନହଲ ଠାରୁ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ୟ୍ୟାଳୟ ପର୍ୟ୍ୟନ୍ତ ଶୋଭାଯାତ୍ରାରେ ଆସି ମୁଖ୍ୟମନ୍ତ୍ରୀ, ଶିକ୍ଷାମନ୍ତ୍ରୀ, ଶିକ୍ଷାସଚିବ, ମୁଖ୍ୟଶାସନ ସଚିବ ଓ ୫-ଟି ସଚିବଙ୍କୁ ତିନି ଦଫା ଦାବୀ ଗୋଷ୍ଠୀ ଶିକ୍ଷା ଅଧିକାରୀଙ୍କ ମାଧ୍ୟମରେ ପ୍ରଦାନ କରିଥିଲେ। ଗୋଷ୍ଠୀ ଶିକ୍ଷା ଅଧିକାରୀ ଦାୟିତ୍ୱରେ ଥିବା ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଘନଶ୍ୟାମ ମେହେର ଦାବୀ ଗୁଡିକ ଗ୍ରହଣ କରିଥିଲେ। ବ୍ଲକ ସଭାପତି ରାଜକୁମାର ପ୍ରଧାନ, ରାଜ୍ୟ ଷ୍ଟିୟରିଙ୍ଗ କମିଟି ସଦସ୍ୟ ତଥା ଜିଲ୍ଲା କାର୍ୟ୍ୟକାରୀ ସଭାପତି ଶମ୍ଭୁ ଗିରି ଓ ସମ୍ପାଦକ ଉତ୍ତମ ନାୟକଙ୍କ ନେତୃତ୍ୱରେ ଉକ୍ତ ଶୋଭାଯାତ୍ରା ବାହାରି ଥିଲା। ୨୦୦୧ ଠାରୁ ନିଯୁକ୍ତି ପାଇଥିବା ଶିକ୍ଷକମାନଙ୍କର ଛଅ ବର୍ଷର ଠିକା ସମୟକୁ ଛଅଟି ଇନ୍କ୍ରିମେଣ୍ଟ ଦେଇ ମୂଳ ଚାକିରୀରେ ଗଣନା କରିବା, ନୂତନ ପେନସନ ବଦଳରେ ପୁରୁଣା ପେନସନ ଲାଗୁ କରିବା ଓ ଅନ୍ୟ ରାଜ୍ୟ ଭଳି କେନ୍ଦ୍ରୀୟ ହାରରେ ଦରମା ଦେବା ଭଳି ଦାବୀ ରହିଛି।
Popular Categories
Previous article
Next article