ସମ୍ବଲପୁର: ସମ୍ବଲପୁରର ଜଣାଶୁଣା ବରିଷ୍ଠ ସୁନ୍ଦର ସ୍ୱାସ୍ଥ୍ୟ ଖେଳାଳି ସୁରେଶ କୁମାର ପଣ୍ଡା ତାମିଲନାଡୁ ଠାରେ ଆୟୋଜିତ ପ୍ରତିଯୋଗିତାରେ ବିଚାରକର ରୂପେ ଯୋଗ ଦେଇଛନ୍ତି। ରବିବାର ତାମିଲନାଡୁର ରାଜଧାନୀ ଚେନ୍ନାଇ ଠାରେ ପ୍ରାନେଜସ ଇନ୍ଟରନେସନାଲ ସଂସ୍ଥା ପକ୍ଷରୁ ରାଜ୍ୟସ୍ତରୀୟ ଖୋଲା ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତାର ଆୟୋଜନ କରାଯାଇଥିବା ବେଳେ ଓଡ଼ିଶାରୁ ବରିଷ୍ଠ ସୁନ୍ଦର ସ୍ୱାସ୍ଥ୍ୟ ଖେଳାଳି ତଥା ଆର୍ନ୍ତଜାତୀୟ ବିଚାରକ ସୁରେଶ କୁମାର ପଣ୍ଡାଙ୍କୁ ବିଚାରକ ରୂପେ ସାମିଲ କରାଯାଇଛି। ରବିବାର ଆୟୋଜିତ ବିଭିନ୍ନ ବର୍ଗର ପ୍ରତିଯୋଗିତାରେ ବିଚାରକ ଦାୟିତ୍ୱ ଶ୍ରୀ ପଣ୍ଡା ତୁଲାଇ ଥିବା ବେଳେ ସମ୍ମାନୀତ ଅତିଥି ରୂପେ ବିଜେତା ଖେଳାଳିଙ୍କୁ ପୁରସ୍କାର ମଧ୍ୟ ପ୍ରଦାନ କରିଥିଲେ। ସୁଚନାଯୋଗ୍ୟ ଯେ, ଶ୍ରୀ ପଣ୍ଡା ପୁର୍ବରୁ ୪ ଥର ଉତ୍କଳ ଶ୍ରୀ ରହିଥିବା ବେଳେ ଜାତୀୟ ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତାରେ ମଧ୍ୟ ପ୍ରଥମ ୧୦ ଜଣଙ୍କ ମଧ୍ୟରେ ରହିଥିଲେ। ସେ ଅନେକ ଆର୍ନ୍ତଜାତୀୟ, ଜାତୀୟ ଓ ରାଜ୍ୟସ୍ତରୀୟ ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତା ଗୁଡିକରେ ବିଚାରକ ଦାୟିତ୍ୱ ତୁଲାଇଛନ୍ତି।
Comments are closed.